الجمعة، 3 يوليو 2009
تخرجت ....
فرحة التخرج:
هاهي ايامك تسير نحو المجد .....
وتزّين لوحــة العمر بأجمل اللحظات
لحظه لطالما تمنيتها .. وحلمت بها ..
ووزعت أفكاري وروداً لها ..
لطالما تعبت من أجل نيلها ..
اجتهدت وثابرت..
فجنيت..
لك الحمد ربي...على ما اهديتني....واسال الله الكريم ان يعينني لتكملت مشواري في خدمة وطني...الكويت
سعد و الاعلان عن النتائج:
وضعي عادي...مو مهتم...وشباب المنطقه يحاتون نتيجتي اكثر مني...يمكن الشي الوحيد الي وترني
صار دوس على الدوانيه وسؤالهم عن النتيجه و ترقبهم اعلان النتايج بالنت فور ضغط الزر لوزيره
لنزول اسماء الطلبه ..
بعد نص ساعه من اعلان النتايج الاهل يطرشون علي...رحت وما وعيت الا كل واحد يتلني من صوب
وفي الاحضان. ويلتني اخوي و صديقي على ارقبتي و يقولي طلعت مو هين يا بو سعد.. يبتها:)
و تطيح عيني على الوالده عسا الله يحفظها و الا هي غارقه بدميعاتها...
علامكم شصاير!!
بدش الجامعه على( البركه)....ابتسمت ابتسامة ورديت شنو يعني انا واثق لكن جم النسبه ....!!
النسبه ما كانت مرضيه بالنسبه لي....ولكن كانت مرضيه للاهل كونهم يعتقدون انه حدي بالخمسينات؛)
.!! يا ترى ما هو مصير بو سعد التخصصي....!
الوالد:لا تسجل بجامعة الكويت ..ادرس بالخارج بتخصصات نادره محتاجتها الديره
الولده: طيار حربي
اخوي: كلية الحقوق جامعة الكويت
اختي :ضابط اختصاص علوم بحريه او هندسه بحريه لبعثات كلية سعد العبدالله للملكه المتحده
النسيب: علوم سياسيه
ولد العمه: يضمن لي دخولي لطيران العامودي(هليكوبتر)
انا: طيار مدني
وقمت و سعيت وبحث عن بعثات الطيران المدني
وبما ان خطوط الجويه الكويتيه هي مسؤولة البعثات . فاتجهت للسؤال ولكن .الشروط كانت صدمه لي..
وتنص ان .على الطالب المبعوث لدرسة الطيران دفع مبلغ 13 الف دينار كاش مقدم للشركة قبل الابتعاث
علما ان الطالب هو المسؤول عن تكاليف السكن و المصرف و تذاكر الزياره للكويت ...!!
عن ابو التحطيم
وبالتالي لابد اني ارجع و افكر بالمتاح من رغبات الاهل السابقه !!
الاشتراك في:
تعليقات الرسالة (Atom)
هناك 30 تعليقًا:
ماينفع اقساط؟
;p
شفيهم من صجهم ؟
إذا صج بخاطرك كمل انت الحين بمجال من المجالات على قولتك المتاحه .. واذا تخرجت وتوظفت يمع لك والله من صجي إذا فعلاً تبي هالتخصص لايعوقك شي
بالتوفيق يابوسعد
مبروووووك
يا فرحة امك واهلك فيك
:)
انشالله فرحة التخرج من الجامعه
الطريج جدامك طويل, بس غمض فتح والا انت متخرج
:))
لك وحشه يالغالي
سلامي للوالده
:)
4 اشياء لا تطيع اهلك فيهم:
1- علمي/ادبي
2- الكلية
3- وظيفتك
4- زوجتك
ومبروك التخرج .. وتو ما بدا المشوار :)
موفق
ريلاكس
لا ما ينفع و ازيدج من الشعر بيت 13 الف للسنه الوحده!
المشكله ان في ناس يبون يخدمون الديره و لكن وين الي يفتح لهم الابواب...
الديره انترست مهندسين و محاميين شنو الجديد!!في خريجين كل سنه
صبا
حيالله من يانا!!
علامج غطيتي!!.....بشرينا عنج ؟
هالمره انتي مو اولــــــــــى
:)
الله يحفظج و يسلمج
الحارث
يبارك بعمرك...:)
مو يا الحارث...الامشكله انا اعليمي مالي اي معرفه بالتخصصات ..
شكلي بسوي حذره بذره و بشوف شيطلعلي :)
مبروووووووووووووووك يا الغالي
الف الف مبروك التخرج
والله اني فرحت لك
عاد متى عزيمة التخرج ؟؟
:)
مبروووووك يا اخوي والحمدالله الله ما ضيع تعبك ...
هذيل من صجهم حاصل لهم بوسعد يقدم عندهم !!
انا اقولك تركد وشوف اللي انت تبيه ويناسبك وتوكل على الله :)
وعقبال ما افرح فيك معرس يا رب ؛)
مبروك التخرج ومنها لاعلى ان شاء الله
:)
والله يجعلك فرحة الاهل دوم
سامي ...
على البركة
عليك بصلاة الاستخارة و اتبع قلبك
و اللي تحبه اكثر شي لأنك راح تبدع فيه
و عساك على القوة و يللا نبي بعد بوستات ...اشتقنا لسواليفك :)
الف مبروك
ومنها الى الأعلى انشالله
وفقك ربي دنيا وآخرة
الف مبروك و منها للأعلى
عشان تختار تخصصك :
اول شي حبيبي .. صل الاستخارة
ثاني شي .. اكتب الخيارات اللي عندك في ورقة .. و بعدين اكتب تحت كل واحد ميزاته و عيوبه .. و بعدين قارن بين الميزات و العيوب بدقة ..
ثالث شي .. دش هالموقع و جاوب الاجابات بدقة متناهية و تركيز .. راح تتفاجأ بالنتيجة ( صدقني ) .. و راح يساعدك باذن الله على الاختيار :)
http://www.abuharoon.com/?p=700
تمنياتي لك بالتوفيق :)
مبروك بو سعد
على التخرج
وعقبال دخولك التخصص الي تبيه
ههههههه
ذكرتي بايام التسجيل
اول جامعة سمعت عنها رحت سجلت فيها
وماسجلت في غيرها والحمدلله انقبلنا
الفال لك انشاء الله
مبروك التخرج عليك وعلينا
اهم شي انفكينا من المدرسة وهمها والجاي الله يوفقنا له
الله يختار لك الخير اينما كان واتأكد ان اي شي يسير معاك خيرة من رب العالمين سواء اسعدك او لا
بس سؤال :
كيف بعثة والتذاكر والسكن والـ... كلها عليك ...؟
عثماني
الله يبارك بعمرك يا الطيب
ما تقصر...
بوفيه و الا صواني !!:)
عمر
ياااااااااااااااا رب:)
منال
شكرا :)
سامي
بو فنجان خل شي اقوله لك ...ماخذ الجو تبارك الرحمن
عاد ترقب بسير عليكم يوم الخميس والدعوه مفروضه من الصقر وبنحرك يميع مع لعدواني...
لك وحشه...ويوز بسكم حش فيني مع المطيري...شفيها لا مشيت حافي ...
ريال...ما يعوق
كاااااااااااااااك
انقطع مو بيدي ...؛)
بو وليد
ما قصرت دكتور...من طب اصلك :)
بو سعد
اهلا بالكيميائي...بارك الله فيك
شكرا على الرابط ..
ضوء القمر
تسلمين ..من بؤج لباب السما
للحيني ما جربت التسجيل بالجامعه الاسبوع الياي باذن الله
:)
حنان احمد
بعثه غير نمونه...:)
شركة الخطوط الجويه الكويتيه ما تستقبل اي خريج من اي جامعه للتوظيف
لان خريجي الاردن زاد عددهم و الدراسه فيها لعب يهال
لذا كل سنه تنزل اعلان بعثه على النفقه الخاصه ...ولكن تحت اشرافهم...وفقط لبريطانيا...
والنفقه الخاصه تشمل سكن ومصروف و تذاكر الزياره للكويت و اسعار الكتب و الدراسه ...
:(
على البركة
وخيرها بغيرها يا خوي ان شاء تسجل بمكان افضل منه
تعال تعال تعال بو سعد ليش تفتن ها
احن مو قلنا ما راح نقول افا يا خوي شذي تخون فينا على طول تخر الاكو و الماكو حق سامي ليش ؟؟؟؟؟؟؟
يبيلك دورة تدريبية في الكتمان ؛)
مبروك التخرج :)
ونصيحة اختار تخصص أنت تحبة
لأن إن ما حبيت شي ما راح تبدع فيه
أنا تخصصت تخص ما أحبة نجحت فيه وتخرجت
لكن ما كان فيه إبداع من نفسي
:)
روح أسأل بس لا اتخلي أحد يأثر عليك
اللي اتحبة اختارة
بالتوفيق :)
ول شي مبروك التخرج ..
ومنها لاعلى يارب..
وبعدين من صجهم عيل اهما شنو بسون اذا انت دافع فلوس السكنوالمصرف والبعثه بكبرها عيل اهما شنو ؟؟
بالاسم!!
لا تحبط جرب اماكن 2 وجرب التعليم العالي وسوي سيرج عن الجامعات اللي فيها طيران ..
وموفق يارب..
مبروك:)
بالتوفيق إن شاء الله في اختيار الأفضل لك..
ماخاب من إستخار ولا ندم من إستشار:)
بالمبارك اخي
فكر ماذا تريد انت ، من خلال من انت وماذا تستطيع ان تفعل وماذا تهوى ؟
وحظا موفقا .
الله والله فرحت لك
مبرووووووووووووووووووك
الله يوفقك وفتحلك يا اخوي :-)
الصقر
يه شهالحجي ...لا يبا ما بطلت حلجي...اعترف انك تبي تختبرني ...!!
:)
يبارك بعمرك و يالله سالحق بقافلتكم يا الجامعيين...:)
حياتي هدف مو عبث
تسلمين...وعسا الله يكتب الي فيه الخير
رورو شخبوطه
هذا الموجود...!
لا حول الله ولا قوة الا بالله
مستعده
صحيح...:)
المجدد
يبارك بعمرك...من طيب اصلك
حبيب يا المجدد:)
الكلداني
اهلا بالغالي ...عسا الله يسهل :)
مبروك التخرج أخوي
أعجبتني مقدمة حديثك لكن
ليتك قلت لخدمة الإسلام أفضل من لخدمة الكويت فقط
بارك الله فيك
أنا من زوار المدونة
إرسال تعليق