الأحد، 25 نوفمبر 2007

يبا امانه.........!!


يبا امانه خلك ويانا ...
احس انا بنفسي لمن أكون قربك
يبا لا تحرمني في الدنيا من حبك
يبا امانه خلك ويانا
خلك ويانا
الكل يتمنى يكون له ابو مثالي...يحتويه بحبه...ويسانده في حياته...ويخطومعاه كل خطوه في تحقيق انجازاته...منو فينا ما يتمنى
اب صديق يواسيه في احزانه...ويشجعه على نجاحه...ان تخرج سياره...وان تفوقت نقال يديد...وان مدحو الناس اخلاقك...لك سفره
(والابو ما يقصر)

لكن في بعظم راح يقول في ابو جذي. اي نعم هذا الاب موجود لكن للاسف مهضوم حقه كون ان الام دائمة التواجد مع عيالها.كونها مصدر
الحنان في البيت..لكن للاسف ما يدركون ان الاب حنون لكن طبيعته كرجل ما يظهر حنيته مثل ما تظهره الام ... و اذا تبي ابو مثالي بالموصفات الي ذكرتها ما عليك الا انك تبادر بحبك و عطائك....خلوني اظرب لكم مثال بسيط واوضح فيها فكرتي الي بوصلها لكم..
خوات: الاولى دايم تحن لابوها..تسولف معاه..وتساله اذا محتاج شي ..تفرحه.تفوقها ومدح الناس لاخلاقها.
اما الثانيه ما تبادر..ما تسولف مع ابوها ..كونها تعتقد ان الاب له هيب ولابد من وجود حاجز بينها و بينه... فالبنت الاولى بادرت وعلى اساسها والأب راح يبادر فيرتاح لها اكثر من بنته الثانيه ......................وصلت الفكره :)









نغزه:
اليوم خذيت جوله سريعه على بعض الكليات:شريعه هندسه علوم .... كان الهدف من روحتي للتسجيل لاختبار القدرات لكن انبهرت من الوضع.....ياخي جامعه لها سمعتها و مكانتها و مستواها و تكون مبانيـــها
بهذا الشكل!! والله عيب...كل ما زار وفد من الخارج تودونـهم
الشويخ ..ليش ما تيبونهم عندنا الخالديه و كيفان وروهم حالنا
..امكن خايفين يطلعلهم الزهيوي مثل ما طلع لدكتور في كلية الاداب







سيري بفخر
تعجبني تلك الفتاة التي سترت نفسها بعباءه اسلاميه و لا يعجبني تصرف ذلك
الشاب في القاء كلمات جارحه لكونها ساتره بدنها بتلك العباءه اقول لها و
لمثيلاتها ((سيري بفخر فعين الله ترعاك))

الأحد، 18 نوفمبر 2007

حجاب البنات خوش حجاب!!






أعتقد ان تعليقي على حجاب بعض البنات راح يغضبهم ومع هذا تبقى وجهة نظر...لكني أقر ان الدين الاسلامي له رايه الشرعي في ذلك.
نشوف اليوم خاصة في جامعة الكويت الكثير من الطالبات إلي حولوا الحجاب وإلي من المفروض تحمي شبابنا من الفتنه الى الحجاب ملفت للنظر, فاذكر سنه من السنوات انتشر الحجاب الملون والمطرز و المكشكش لكن هذا اهون من الياي بالطريج.
الكل يعرف ان موضة الحجاب على شكل عمامة الرجل (طبعا الرقبه كلها طالعه خوووش حجاب )...فلو تدققون على المكونات الي تستخدمها البنت في حشو عمامتها علشان تنتفخ (قوطي روب ) انزين سووا ما عاد في اراضي بالديره لدفن المواد المستهلكه..

و كالعاده لازم ايب لقرائي الاعزاء شي يفرفشهم...فلكم هالموقف عن سالفت قوطي الروب...والسالفه وما فيها أن مجموعه من رجال الاسعاف يوم شالوا بنات مسويين حادث طاح قوطي روب من تحت شيلة وحده من البنات....جان زين شفتوا علامات التعجب و الاستغراب !!!على وجوهم:)

وماني ناسي كذلك حجاب سنام الجمل على الرغم من عدم معرفتهم بجواز لبسها إلا انهم مصرين على استخدامها لكن ان نسوا هذا لحديث بذكرهم فيه
قال رسول اه صلى الله عليه وسلم:
((صنفان من اهل النار لم ارهما رجال بايديهم سياط كأذناب البقر يضربون بها الناس ونساء كاسيات عاريات مائلات مميلات...رؤوسهن كاسنمة البخت المائله لا يدخلن الجنة ولا يجدن ريحها))




نغزه:
انزلت موضة الشيل الملونه و لبسوها و بالكرستال زينوها و و بطريقة
الاسنام اسمتوها الله يستر من تاليها ..تروالي بتنزل شيل تشب ليتنات ..
وهذا ويهي ان ما سوها











إعجاب:
#حياؤك
صحبتم الجنه
سيئاتك بدلها حسات
اقول لكل العاملين في انجاح حملة ركاز عساكم على القوه و بميزان أعمالكم