بما ان مقبلين على مناسبه حلوه الكل ينطرها برمضان مناسبة القرقيعان فبشاركم بهاليوم..ها بس بدون الـــــــطاقيه
و السديريه....والله لو بغيت ودشت الفكره براسي جان تلاقوني من بيت لبيت بس ما ودي ينقدون ويطبقون هالمثل
علي(( الطول طول انخله والعقل عقل اصخله))...:)
قرقيعان قرقيعان بيت اقصير وارمضــــان
عطونا الله يعطيكم لبيت مكه يـــــــوديـــــكم
يالله تخلي ولـــــــــــــــدهم يالله خله لامـــــه
وعسى البقعه ما تخمه ولا تواسي عليه امه
كلمه قرقيعان تعني قرقعه الحجاره الصلباء ولكنها عاده استخدمت في طلب الحمايه للجائع على حد قول الباحث
الشعبي محمد المسلماني...(يعني شغل طراره..خخخخ)
الله يرحم هالايام الحلوه لمن كنا نلبس الطواقي و السديري .والبنات يلبسون هالبخنق و الثوب و يحـــــــــــطون
جيس رقيعان على ارقبتهم ونكون فوقه فوق 35 صبي وبنت ونحوس بالفريج من بيت لبيت.ومثل مانـــــــــتوا
عارفين ان فتره القرقيعان من بعد صلاة التراويح وتستمر الى منتصف الليل ..وطبعا على اهالي مـــــــــنطقتنا
الصغيره تستعد لهذا اليوم و توفر سله وفيها المكسرات و الحلو الزينا لي يشتهيه قلبك.واهم شــــــــــــــي والي
المفروض ما انساه الخرده:)....وبما ان اهالي منطقتنا متمسكين بالتراث فتلاقي العيايز ينطرون هالمـــناسبه
قبل الصغار ..اذكر سنه من السنيين التموا الحريم والبنات و العيايز و الصبيان الصغار ببيت واحد وانطلقوا
منه ومعاهم الدفوف والطبول ويفرون على البيوت
لكن الحين وينهم عن اول...تلاقي البيوت تحتفل بهذا اليوم بينهم وبين بعض وهذا غير طريقه استقـبال بعض
المراهقين للورعان...:) والبزران..:)بدون مقدمات تب ماي على ويوهم....واهم شي الي يقرقعـــون بجيس
جمعيه!! وين الدشداشه و وين السديري و ين تقاليد اللبس لهذا اليوم...!!
اما عن الحلويات عاد هذا شي ثاني..صار حلو القرقيعان ماله طعم مثل قبل...تلاقي اغلب الاهالي يحطونلك
كيت كات و جلاكسي و ربعه ..والي متوفر طول السنه ....شلي تغير!!
على العموم عندنا خوووش قرقيعان مال اول....بيض الصعو وربعه تعالوا قرقعوا........:)
أيام اول غير.........
مرسلة بواسطة
bu-saad
فـي
12 سبتمبر, 2008
28 التعليقات:
اي والله هالايام القرقيعان بايخ ماله طعم حتى استغفر الله رمضان ماله طعم مثل قبل الغبقات والتجمعات والسهر الحين ماكو جنه شهر عادي وله هل ايام تقرقع يصرفونك بكتكات وله بجيس بطاط شرقع فيها
سلم بوسعد يالله خله لمه يالله
يالله كاني شحلوي بالبخنق والدراعه الزري ونعالتي ام صبع
واااااااي زوغه جني لعبه
وصبيان الفريج يننوني لاحقيني يبون يبوقون قرقيعاني
وصقر قريش ذبحني وهوه يطر مني القرقيعان ...عطيني وعطيني اوووووف
يالله صارلي ساعه وانا اقرقع عند باب
بيتكم فجو الباب وعطوني نصيبي منه
قبل لا يبوقوني ويالجيس وافلس
:)))))))))
يالله علي بالك رحت
ناطره قرقيعانكم ماني رايحه
؛))))
قرقعيان العولمة :)
لو تكرمت تكنسل تأكيد الكلمة
الحين لو يسوونها العييز وبـ الدفوف على قولتك اتوقع يروحون يشتكون عليهم ويقولون أذونّا ..الناس صايرة ماتتحمل شي :/
والحين ياينا الصبي بـ جينز ويحط القرقيعان بـ مخباته والبنت قرقعت و لعبت بـ بيتنا شوي وبعدين قالت خلاص مابي جيسي خلوه عندكم
حتى اليهال صاروا مايستانسون فيه !!
أشوف دعاية زين وأشوف فرحة الصبيان بـ قرشة الحلاو .. أقول إيـــــــه منو يستانس مثلهم الحين !!
على قولة الأخ محسد :
عولمة !!
يعطيك العافية ..فاضت قريحتي بعد ماقريت وشطيت شوي :D
السموحة
ااه الفرق الكبير بين قبل والحين...
الحين اليهال لما ايون يقرقعون اللي اعرف ان الياهل يغني مو خدامته ولا سايقهم ... ولابعد سايقهم يوصلهم من بيت لبيت ...
بس الحين وقبل غير ..قبل تلقى الفريج يكون امان مو نفس الحين ...
شكلي بمر اقرقع عليكم بس عشان بيض الصعو .............
يعطيك العافية
:)
خشلي بيض الصعو وحلاو بو بقره الاحمر
وباجر باذن الله انا عند باب بيتكم
واذا فيه بعد عنجكك يكون احلى واحلى
:)
سلم بو سعد يالله خله لامه يالله
يا
صج ايام حلو ، كنا نخم الفريج كله من اوله الين اخره.
ااايي يا بو سعد ذكرتني بايام اول
والله ودي اقرقع مع اليهال بس المشكله
ان هالايام مافي يهال يقرقعون مثل اول
اول جرس البيت مايسكت تفتح الباب تلاقي اربعين ياهل ... الحين اربع خمس ينعدون على الاصابع
ذاك اليوم وانا راد من التراويح شفت يهال عند الباب يقرقعوون ولا اشوف ياهل ماسك تلفون ويوم وصل القرقيعان سكر التلفون وحطه بمخباته والله مت من الضحك.. لا والحين كل ياهل يبي يقرقع لازم معاه سايق وخدامه
يبا قرقيعان الحين مو مثل اول ماله طعم ولا لون
هههههههههههههههه اهم شي جياس الجمعية :P
يا اخي يا بو سعد معذبنا مع تاكيد الكلمة انت مو قلت لي شلتها اجوفها موجوده للحين :S
kuwait master
صاجه....ايام اول غير
مرورج اسعدني
محسد
على قولتك....:)
والله ما اعرف علموني الطريقه وما صار
غشيم بسوالف النت
جاي اخضر
طلعي الي بقلبج....فشي خلئج...صدقتي وانا اخوج بكل كلمه ...
اسعدني مرورج على بوستي:) ولا تقاطعين
bang bang2
يا جماعه لا تستهينون ببيض الصعو ترى يطلع مره وحده بالسنه :)
ولا بيض الصعو مو العادي فيه الذهبي والفضي الي داخله ككاو شغل عدل
عمر
هلا والله بالغالي.....يا حيالله بالمتابع...يبا ما صارت ولهنا للقعده معاك...............:)
الكلداري
اي والله.....خبري فوق الخمسين و دقدقه:)
عبادي
ضغط على اعدادات
اطلع لي صفحه خاصه ببلوقري
و فيها اسئله وانا مجاوب فيهاكلهم yes
شنو الي اخليه no علشان اشيل الكلمه التاكيديه
شلالات
ايوا ايوا ايوا.....شربكه سمعونا
شيطلع بعد هذا عتجكك؟؟
صبا
:)
شعندج تقرقعين.!!...ما عندنا بنات يقرقعون...:)دشي البيت ...
صقر قريش لا تبوق قرقيعانها...بروحها جيسها فاضي كله واقفه اخر شي ولمن يوصل دورها الا مخلص القرقيعان...
خلص القرقيقان تعالي باجر خخخخ...
ويس ويس في بيتنا ....:)لووووول
او شي ادش اعدادات .. بعدين تختار تعليقات .. بعدين تنزل تحت تلقه اظهار التحقق من الكلمات للتعليقات حطها لا
للحين على تاكيد الكلمه!!...
انا مقرقعه بجيس قرقيعان لوول...
بس بعرف شغله اهي بيت قصير ولا بين قصير ورمضان!؟!؟!
كنت اقولها بيت قالولي غلط بين..
شعندج تقرقعين.!!...ما عندنا بنات يقرقعون...:)دشي البيت ...
صقر قريش لا تبوق قرقيعانها...بروحها جيسها فاضي كله واقفه اخر شي ولمن يوصل دورها الا مخلص
,,,,,,,,,,,,,,,,,,,
بعد لك عين تزف ولا وما تعطيني من قرقيعانكم
احمد ربك اني يايه مقرقعه عندكم
وانت مو مبارك لي الشهر الا
من قبل يووووووووووم
انا المفروض تراضيني
وتعطيني اول وحده مو حاذفني آآآآآخر الطابور وتطردني
:(((((((
خلاص ما راح اعيد عليك
:P
حتي صقر قريش ما راح اعيد عليه:
القرقيعان شي حلو بس مو "وايد" خخخخ,,اذا ماعندنا خدامه بالبيت ><
أكـــــــره حياتي
البيت يصير حوسه من جــــد :(
احنا غير
يبدأ من العصر ويخلص المغرب
ماتشوف احد يقرقع ,,, بس يحووسوون الشوارع ,,
واحلى شي البخنق على البنيات :)
ما اندثر الى الان
بيض الصعو ؟؟ ماعرفته
ليكون الحلاوه البيضاويه اللي يجي منها الوان وطعمها يلوووع الكبد << بتنذبح
ايام اول حلوة وكل شي تغير موب بس القرقيعان
احنا عندنا انسميه قرقاعون
وللحين تلاقي بالفريج ناس يقرقعون
وطبول بس هم مو مثل قبل
يعطيك العافية و تقبل مروري
عبادي
وصلنا خير....خلاص شلتها
ما قصرت:)
تركواز
انا الي اعرفه بيت اقصير!
صبا
افاااااااااا بس..يبا جيسي و جيس صقر قريش كله لج...
مو لازم تعايديني انا بعايدج خخخخخ
اي لا تعايدين صقر قريش ما ادري شعلامه غايب عن الساحه
الوان لكن رماديه
اي عليج نور...الي يلوع الجبد على قولتج...تبين!! ؛)
الله يعين عيالكم بالقايله يقرقعون ما تسوى عليهم!
قدساويه
هلا فيج اختي....بحرينيه قدساويه! اممممممممممم شي جميل
قرقاعون...:)
بو سعد مايوز تدزه هوم دلفري للي ماقدر يمركم..
جمعتنا اخت كويتية الاسبوع اللي طاف وشفت بنات بدراريع زري..وصبي لابس طاقية ودشداشة ومكسر..بس ماقرقعوا.يتراوالي ماعلموهم بالانجليزي شو يقولون...:)
زين ماتهورت ولد الحلال وقرقعت..والإ قلنالك قاسمنا :)
نحن ماعندنا قرقيعان..في ناس يسمونه حق الله او حق الليلة..هم بيتنا مايسوي هاالشغلات...مو مخلف علينا على قولة الوالدة الله يحفظها أول ماسألتها ليش ماتخلوني أقرقع...زين ندري عن العيدية :)
انا هنا:)
لؤلؤه:
حسبت ان الخليج كلهم عندهم قرقيعان!
اشرقي:
؛)
6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲
言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO
情趣用品,情色,成人,A片,自拍
情趣用品,色情,成人影片,色情影片,免費A片
情趣用品,成人網站,A片下載,日本AV,做愛
情趣用品,美女交友,A片,辣妹視訊,情色視訊
情趣用品,色情聊天室,聊天室,AV,成人電影
A片,aio,av女優,av,av片,aio交友愛情館,ut聊天室,聊天室,豆豆聊天室,色情聊天室,尋夢園聊天室,080聊天室,視訊聊天室,080苗栗人聊天室,上班族聊天室,成人聊天室,中部人聊天室,一夜情聊天室,情色聊天室,情色視訊,美女視訊,辣妹視訊,視訊交友網,免費視訊聊天,視訊,免費視訊,美女交友,成人交友,聊天室交友,微風論壇,微風成人,sex,成人,情色,情色貼圖,色情,微風,聊天室尋夢園,交友,視訊交友,視訊聊天,視訊辣妹,一夜情
إرسال تعليق