اللغلقه ذابحتني....!!

يا جماعه الخير اللغلقه ذابحتني ..ومن ضيقة الخلق كله عاقد النونه ومنثبر بالبيت جنه طاقني عقر بقر!...

مثلكم عارف حتى الطلعه تطلع من جبودنا من هالاهوب الي يصلخ الوجه...اما النوادي حدث ولا حرج

اسعارهم خياليه وازيدكم من الشعر بيت دورتهم تكون بس لمدة 3 ايام..انزين باجي الايام وين بكون!!..اما النوادي

المدعومه من الحكومه امثال مؤسسه التقدم العلمي و النوادي الرياضيه...يشغلون الي واصلين باختصاصهم واما اليدد

بالبدايه يشتطون معاهم و بعدها طاف...

واما التفزيون عاد اهني خذل وخل...اوله البرنامج السخيف الي ينعرض على قناة الوطن((برنامج عطني الغطايه))

حاطيلهم ناس مو متزنيين و وشغال الصيرفي تطنز عليهم...ناهيكم عن القنوات الكويتيه الثانيه....

اما المراكز الدينيه توبه الى الله....تخيلوا دخلت مع مركزالسراج المنير...حاطيلي واحد عمره 17 سنه و يعلمنا عن حياة الرسول

وين يشتغل ..يبا الحين في واحد ما يعرف حياة سيد الاخلاق...وطول المحاظره يعيد نفس الحجي...وبعدها طلعنا للساحه و قط حلو على الارض و طلب منا نلم الحلو ويصورنا علشان يحطنا بالجريده!!..شلت قشي وطلعت يوم شفت هالمصخره

يتلي فكره...قلت ليش ما اغير داري ,,والهي روحي بالتشري!! وطبعا هذي 3 مره بالسنه اغير ماكو شغل..بس طرحت الفكره على الاهل..جك بوم لقيت الاثاث بداري!!.........بجذي لا طبنا ولا غدا الشر..!

قلت ما كو الا اولدي اجيبه عندي الدار و العب معاه....لحظه مو اولدي اولدي اقصد ولد اختي بس معروف عندنا الخال بمثابة الاب ..عدل!!

المهم شصار..غفلته دقايق وما اشوف الا نوتاتي مشققه!! قمت وعطيته شلوتي و طرشته لاهله ...:)

انقهرت على النوتات...عادتي ان قريت كتاب الخصه بنوت ..فاذا احتجت معلومه الاقيه بالنوت ما اظطر اقرا الكتب كله)

المهم قلت مراح الاقي الا ذاكرتي تسليني ....وyoutube فقلت لازم اشارككم مواقفي:)

........................................................................................................................

لا يستحي ولا ينتخي....

الويك اند الي فات تجمعوا الشباب عندنا ...قاعد نشتغل على مشروع علمي ...وبعد ما خلصنا قلنا نترتاح شوي ونكمل اليوم الي بعده. فاقترح واحد منا نروح نشتري افلام هنديه و نروح كافيهات المهبوله نطلب و نسهر بالديوانيه.وفعلا يوم وصلنا الكافيهات ونزلنا كلنا وكل واحد اختار الكافيه الي يبيه.واحنا طالعين ما انشوف غير واحد من الشباب واقف ومتجمد بمكانه وعلامة الدهشه بويهه...ويصارخ انا شنو شفت!! شنو هذا!! استغفر الله استغفر الله!! يارب سامحني على الي لقطته!! التمينا عليه شفيك شنو شفت!!


وياشر اهناك! وما نشوف الا واحد طقه 25-26 سنه ماسك لابتوب ومغطي الشاشه بيده...الحبيب انحرج يوم شاف موقف الشباب منه..اثاريه حاط ....
وانطالعه و يطالعنا و بعيومنا نظره عتب...وشقه...اي نعم شفقه عليه المسكين.هذا الانسان خاوي من داخل...نظراته لنا حسستنا انا موقف ولدنا منه عطاه راشدي....والمشكله يا جماعه الخير انه بمكان عام..ما احترم الرايح والراد...ما اقول غير عسالله يهديه





مسؤول غشيم...
سامي طالب في احد الكليات العلميه...وعامل في احد القوائم الطلابيه...و كالعاده عيال القوائم رازين حالهم للطبه المستجدين ...فدق على احد المستجدين علشان يباركله على القبول الفوري بالجامعه...و حب يعرف الطالب لقائمته...علشان الانتخابات مثل مانتوا عارفين


والمعروف ان العامل باي قائمه...لو يبي يعرف المستجد بقائمته ...بالاول يطيح معاه سوالف..يقدمله خدمات...ولمن تطيح الميانه..ذيك الساعه يعرفه بقائمتك...لكن بما ان الحبيب سامي اول مره يمسك لجنة المستجدين ..فشوفوا شصار


سامي: الو... سامي وياك طالب في جامعه الكويت القائمه الفلانيه


المستجد: هلا والله..


سامي: مبروك القبول


المستجد: يبارك بعمرك


سامي: بعطيك نبذه عن قائمتنا...(الولد حار داش وبقوه خخخخخخ)


المستجد: تفضل


سامي: احنا القائمه الفلانيه...حققنا 22 سنه من الانجازات و 20 سنه جمعيه...نحن قائمه تهدف لكذا و كذا و نتميز بالفكر الاسلامي..اول انتخابات 1987 و حصلت القائمه على ثقه الطلاب و ............والمهم الحبيب قرا عليه كتاب قائمته بالكامل...ويوم حس انه سخيف جان يسد التلفون بويه المستجد

ويدق علي...ونبرة قصة الويه بصوته...عاد انا اهني حق الشماته جاهز خخخخخخخ غشيم ما تعرف اتحيلق !!

سنع زياده على اللزوم...
شبابنا طلبه امريكا...خلصت عطلتهم وبيردون امريكا...فقلنا نروح الافينيوز انتغدى باحد المطاعم...وصلنا واخترنا مطعم ايطالي..طلبنا وبعد ما خلصنا قام واحد من الشباب ولزم علينا..(كل واحد يشيل صحنه وانقط الي بقى تكرمون بالزباله و توصلون الصحن )!!..انا طقتني البوهه!! قلنا: لا تفشلنا انثبر بمحلك انت مو بامريكا...هذا الشي انسويه بالمطاعم السريعه مو بمطعم مستوى مثل هذا....وقوم الحبيب يشيل صحنه...شكلنا كان غلط و الاوادم تكركر علينا...هذي وما تسويه امريكا !!


قوطي رهش....

واحد من الشباب بيروح الجمعيه فطلبنا منه قوطي (رهش).....راح ورد و بيده قوطي مكتوب عليه(حلاوه لازاله الشعر)


كااااااااااااااااااااااااااااااااااااااااااااااااااااااااااااااااااااااااااااااااااااااااااااااااك ...موصاحي مصخروه المسكين...



طق الصدر واخرتها...!!

ارفيجي...عنده الحياه سعيده...واغلب ربعه من عيال المدرسه الامريكيه....يوم من الايام عزم الشباب على مطعم (هارد روك) ..فقال للشباب اطلبوا الي تشتهون...وفعلا اطلبوا وخلصوا...ويوم اوصلت الفاتوره اطلعت 20 دينار...الحبيب يعني مسوي روحه منصدم من التكلفه...ما ادري هو اتغيشم و لا غشيم..معقوله ما يعرف اسعارهم!!...المهم شصار...طلع بوكه وحط 3 دنانير وهذا الي كان عنده...وسال الشباب من عنده فلوس!! الشباب اسكتوا!! شوي جان ينادي الغارسون و يقوله يبا السموحه ما عندنا و مشنا وما ادري شنو..المهم تلوهم وودوهم للمدير ..المدير شرشحخم قدام الرايح و الراد وطردهم من المطعم.....ربي رحمني يوم ما بث الموده بيني وبين عيال الامريكيه ...ولا جان كنت معاهم و انقص ويهي...........موقف اقشر



ابداعات شبابيه.....

الكل يعرف برنامج الدكتور محمد الثويني..المراهق المبدع على الرساله....وهذا الربنامج طرح مسابقة باسم الكلمه الحلوه...وبصراحه شغل شباب الكويت كان من انجح الاعمال...ابدعوا بصراحه...اي ذول شبابنا..كفو والله ونعم الشباب الصالح...كنت اتمنى احصل على اعمال ثانيه لكن للاسف ما حصلتهم



http://au.youtube.com/watch?v=pHbXo38CT1I&feature=related

http://au.youtube.com/watch?v=xiodALGaEzQ&feature=related

http://au.youtube.com/watch?v=BMIOIHHc-Fw&feature=related

وشكرا