الموت

(انام 9 بليل و اصحى امبجر... ومنقطع عن الدنيا ...)
الساعه 7 الصبح قاعد بحديقة البيت...التامل بهالورد و استمتع بصوت العصافير و استنشق ازفرت البحر(بيتنا يم البحر)...فجاه اخوي مادري طلعلي من وين و خرب على هالاجواء
صباح الخير
هلا هلا بو عبدالله اصفط يمي
دريت ارفيج ابوي توفى( جيران)
انا هدووووووء ...انقمت قلبي لا حول الله ولا قوة الا بالله ...شلون حال ابوي؟

الوالد!! من البارحه وهو سهران غارق بدميعاته..وللحينه على هالحال...وولده محمد كان قاعد بالدوانيه مع الشباب ووصله الخبر بالتلفون . وحالته ما تسر...البارحه الفريج وضعه كان غير
( الصحاب يا خوي...قلب واحد يد وحده الصاحب نفس وحده...الصاحب وانا اخوك روحين بجسد واحد)
دشيت على الوالد بالصاله وحاولت اني اتجنب احط عيني بعينه لان قلبي رهيف ما ودي اشوف هالدميعات ...واقلبها بجي معاه و ازيد الحزن بقلبه...وقبل لاطلع طالعني ونبرة الحزن بقلبه بو حمود توفى يا بو بدر بو حمود مات


ايه يا يبا الموت يجي غفله ما يعرف صغير ولا كبير....47 سنه عز الشباب هد عياله هد فلوسه و هد بيته
خذ معاه بس العمل..يا الله اغفر ذنوب هالعبد المبتلى و جازيه على حسناته...يالله يا كريم شهد بوحدانيتك ووعدت ووعدك حق..اللهم ارزقه الجنه


لا حول الله ولا قوة الا بالله
انا من قريت بوست بو عبدالله عن الموت و القبر و هجاء الميت و انا داري انه بصير شي




عن ابي العتاهيه انه دخل يوما على الرشيد فقال له الرشيد انشدني فقال اجعل لي الامن قال انت امن فانشد:

ا تامن الموت في طرف ولا نفس..وان تسترت بالحجاب و الحرس
واعلم بان سهام الموت قاصدة لكل مدرع منا و مــــــــــــــــــــــترس
ما بال دينك ترضى ان تدنسه و ثوبك الدهر مغـــــــــــــسول بالدنــس
ترجو النجاة و لم تسلم مسالكها ان السفينه لا تجري على اليــــــــــبس

واخر يقول

الموت بحر طامح موجه تذهب فيه حيلة السابح
يا نفس اني قائل فاسمعي مقاله من مشقف ناصح
ما يعجب الانسان في قبره مثل التقى و العمل الصالح

اللهم من علينا بالتوبة قبل الممات يا ارحم الراحمين