انا كويتي واحب الكويت....ودي الفرحه تدش كل بيت...انا كويتي واحب الكويت....احب النقعه و الفيضه و النوير ...احب جبله واموت بشرق و المرقاب و الفنطاس....احب فيلجا بوبيان...احب الوطيه و الجهرا و فريج سعود واحب قاروه و الصبيه و الوفره....افخر انا ببلادي قبل النفط و عقب الزيت...انا كويتي و احب الكويت...صح السانك ياولد الساير
فعلا شعور لا يوصف...شعور حرك الامل في داخلي... يوم بديت اتجول ببعض المناطق في الدوائر الخمس مع الربع. وطبعا طول الطريج اغاني وطنيه و الربع مسكتين بالخبال...بدينا بمقر الدبوس(الفحيحيل) الساعه 9 بليل حضور لا بئس فيه. بعدها الحويله..استمتعنا برقصه العرضه و اهم شي السيوف (طبعا هالحجي قبل النتايج)..ثم انتقلنا لمقر الخرافي الشياب متمددين ومرتاحين على الاخر(ضامنينها)..ثم الصقر ثم الرومي ..وختمنا بمدرسة النزهه و الوضع كان خيالي اول مره اشوف هالكثر حماس..قمة في الاندماج
وتعشينا بكوردو بشارع افنار ..وردينا ننطر النتايج بالتلفزيون... مع الاستمتاع بصوت التقحيصات و طلقات الناريه لعيال المنطقه العاشره
..والتقهقه على صاحبة البورش ذات البرقع غشيت لمن بطلت الكشف....خخخخخخخخ لا تعليق من امه
الدائره الاولى:
للاسف للاسف للاسف فوز 2 لا يستحقون دخول المجلس....واقصد بهما هم من وضعا الطائفيه فوق الوطن...
فعلا شعور لا يوصف...شعور حرك الامل في داخلي... يوم بديت اتجول ببعض المناطق في الدوائر الخمس مع الربع. وطبعا طول الطريج اغاني وطنيه و الربع مسكتين بالخبال...بدينا بمقر الدبوس(الفحيحيل) الساعه 9 بليل حضور لا بئس فيه. بعدها الحويله..استمتعنا برقصه العرضه و اهم شي السيوف (طبعا هالحجي قبل النتايج)..ثم انتقلنا لمقر الخرافي الشياب متمددين ومرتاحين على الاخر(ضامنينها)..ثم الصقر ثم الرومي ..وختمنا بمدرسة النزهه و الوضع كان خيالي اول مره اشوف هالكثر حماس..قمة في الاندماج
وتعشينا بكوردو بشارع افنار ..وردينا ننطر النتايج بالتلفزيون... مع الاستمتاع بصوت التقحيصات و طلقات الناريه لعيال المنطقه العاشره
..والتقهقه على صاحبة البورش ذات البرقع غشيت لمن بطلت الكشف....خخخخخخخخ لا تعليق من امه
الدائره الاولى:
للاسف للاسف للاسف فوز 2 لا يستحقون دخول المجلس....واقصد بهما هم من وضعا الطائفيه فوق الوطن...
من جرحوا مشاعر اهل الديره
الدائره الثانيه:
العبد الجادر........الف مبروك
جمعان الحربش ...الف مبروك
مبروك يا النسيب على فوز ولدكم الصقر,,,ولو اني متحفظ برأيي اتجاه قائمة التحالف الوطني
الدائره الثالث:
ظهور وجه جديد و عنصر شبابي على الساحه البرلمانيه ولد الملا...موفق باذن الله
والباجي فيهم الخير و البركه
الدائره الخامسه:
شقول...شرطن...هذي نتيجة الفرعيات و بيع الاصوات.
هارد لك يا الوالد..على ولد العمه ولو اني قايلها لك من زمان ....من يقدر يفوز من بين هالتحالف القوي
وابارك و اعزي ولد الخاله على فوز ولد عمته :الحريتي و خسارة ولد عمته الثاني : النامي
الدائره الثانيه:
العبد الجادر........الف مبروك
جمعان الحربش ...الف مبروك
مبروك يا النسيب على فوز ولدكم الصقر,,,ولو اني متحفظ برأيي اتجاه قائمة التحالف الوطني
الدائره الثالث:
ظهور وجه جديد و عنصر شبابي على الساحه البرلمانيه ولد الملا...موفق باذن الله
والباجي فيهم الخير و البركه
الدائره الخامسه:
شقول...شرطن...هذي نتيجة الفرعيات و بيع الاصوات.
هارد لك يا الوالد..على ولد العمه ولو اني قايلها لك من زمان ....من يقدر يفوز من بين هالتحالف القوي
وابارك و اعزي ولد الخاله على فوز ولد عمته :الحريتي و خسارة ولد عمته الثاني : النامي
اشكر كل القائمين على اتمام هذا العرس الانتخابي و على راسهم الصحفيين و المذيعين .... عساكم على القوه
هناك 9 تعليقات:
هلا والله بالحداق شخبارك عقب اللويه؟؟
ومبروك للي حالفه الحظ وحسافه علي اسيل :( والملا يستاهل ومبروك عليه الكرسي
انشالله يسعون لخدمة هذا البلد
اما الثنائي الطائفي صج يو فازوا بالانتخابات ضاق خلقي .....!!
فعلا للاسف ما يستاهلون لاري وعبدالصمد !!
واهم شي انك استانست وخذيت لك فره
حول العرس الديمقراطي
هلا فيج...اسالت عنج العافيه
عقب اللويه: ارقبتي ملتويه...:(
ليش حسافه اصلا يباب يباب الحريم ما دشوا المجلس خخخخخخخ
خدمه البلد اهو الاهم
اصلا انا مو مفارق اذاعه الدائره الاولى ..علشان اشوف تنايجهم:(
:)
الدائرة الاولي كنت متوقعه هالشي بيصير !!
والملا كنت اتمنى انه يفوز والحمدلله فاز
اما الدائرة الرابعة اللى كانت مفاجئة
حسب علي
ولا مرشح من الجهرا فاز
صار احتكار من محافظة الفروانية
,’,
الدنيا
مساكين هل الجهرا....والله عندهم خوش
ريال ولد السعيد رجل مواقف...
هزتني جلمته((ماهمني الكرسي..الكرسي اخلي يعال الجهرا يتمرجحون به عند المضخه))....ان دل انه هبة ريح لا سمعه و لا منصب يسعى له
الدائره الاولى ....صدمه
الدائرة الأولى مصيبة كل كويتي غيور على بلدة
أموت وأعرف شلون فازوا هذيله مفروض تنسحب جناسيهم والله قهر ...
ولا حتى بعض الي كانوا يشترون أصوات مادري شلون فازوا وردوهم الإنتخابات
والله محد مأخر الكويت غير هالأشكال اذا دخلوا المجلس
بس شنسوي مصائب قوم عند قوم فوائد
بس البركة بالأعضاء الثانين وان شاء الله يكون هالمجلس خطوة للأمام ونعدل فيه من أوضاع البلد
وصج الله يعطيهم العافية الي مجابلين الصناديق لي الصبح
ومشكور أخوي بوسعد على البوست
الثنائي الطائفي اكثر ماصدمني!
ماهقيتهااا
..
عسى الله يوفق الكل للخير ومصلحة هالبلد
يعطيك العافية
حبيت الوطنية اللتي تطلع من هالبوست :)
الدائره الخامسه:
شقول...شرطن...هذي نتيجة الفرعيات و بيع الاصوات.
اكبر سلبية للدوائر الخمس : 4 قبائل تهيمن على الكراسي والباجي لا عزاء
دعنا نتفاءل فهذا ما نملك الآن :)
نتمنى تشكيل حكومة تستطيع تشكيل اجماع نيابي حولها لتنمية الديرة بس آنا مو متفائل
الطيبه اذبحتني
بيه...خل يحاسبونهم بالاول علشان يسحبون جناسيهم!! صج ليه قال المثل:
ابوي ما يقدر الا على امي
نجمه
افا عليك...ما شفتي من الوطنيه شي!!
:)
بو جويس
على قولتك...لنتفاءل
فتى الجبل
تفائلوا بالخير تجدوه
وانشالله خير ...فنحن نتمنى ذلك ايضا
:)
إرسال تعليق