مملكة البحرين و مجلس الامه و الجامعه
تحه للملكة التواضع...تحيه للملكة البحرين... تحيه لكل شابه وشاب بحريني لم يهمه المهنه و المال كثرما يهمه خدمة الوطن ورفعته.
زيارتي للبحرين هذا العطله كان اول زياره لي وإنشالله موالاخيره ..تلقيت دعوه من اخوه اجمعتنا الظروف الجميله بمخيم خليجي اقيم
في الامارات العربيه المتحده ..ولبيت الدعوه , وعلى اجواء الموسيقى الكلاسيكيه في احدى المطاعم الايطاليه دار حوار بيني وبين ربعنا
البحرينيين ...وتكلمنا فيها عن الاوضاع السياسيه بالكويت (اقصد مجلس الامه و ربعه)
وطبعا التطنز كان على ودنه ..لكن انا مالي اي حجوه الجماعه صاجين مااجذبوا...!!
قالي عيسى عن سالفة ترشيد ..انتوا يا اهل الكويت كل هالخير الي عندكم وحاطين هالعداد عسا ما شر !؟
قلتله والله يا عويس انت الصاج ملايين انقطت على الحمله لو اندفعت لمحطتين و سكينا السالفه ابرك من إنا نصير علج عند
الخليج بس تصدق هالحمله يابت نتيجه ردت للكويت كذا بليار ....قالي هذا الي يحببني باهل الكويت يحبون ديرتهم , ولولا تفاعلهم ما امنت
لمستقبلهم و لاجيلها القادمه
ناظرت واحد من هالشباب الطيب ...أول ما شفته عجبني اسلوبه ,سبحان الله عليه سمات الذكاء فسالته عن تخصصه وقلت شكلك امتياز و
لا بعد مرتبة شرف ...رد عل و هو يضحك شدعوه لكن نسبتي حلوه 84% بالقصب و بالحسره اقبلوني (معهد التكنولوجيا شي جذي!!)(الحبيب يقولها وهو يتزامط علينا و يتباها !!
الحبايب طقتهم البوهه يوم تكلمت عن نسب القبول في جامعتنا الحبيبه , سالني واحد كليتكم ما تبيني تراني خوووش طالب؟؟...
.بعد هالسالفه تحمد صاحبي عشر تعش مره على كليته صاحبة الرغبه الخامسه:)
سالني عويس عن الاعانه الجامعيه و قالي يا فلان شسالفة الاعانه الجامعيه عندكم..؟؟ فوق ما يعطونكم هم تطالبون بأكثر المفروض تحمدون
ربكم ترى الطمع مو زين ...لو دروا فيها شبابنا جان الكل درس عندكم ...(بلاهم ما يدرون وين تروح الاعانه ..صج ليه قال المثل <الاسم شايع و البطن جايع>)
وكالعاده عويس يسال و الربع مستمعين ...قالي هالمشاكس البنت الكويتيه هي أول إمرأه خليجيه في الذوق و الكشخه و الموديلات ’لكن في شي واحد ما يعجبني والي اهو الصبغ الي على و جوهم......قمت اتكعكع قلت يا عويس لا تعمم و بناتنا فيهم الخير و البركه و إن ما غيرت الموضوع بيخذفونك بنات الطاوله الي وراك تراهم كويتيات...الاخ خاف على عمره وتملص
قال امطوعنا عمر....على طاري البنات ...منت ناوي تعرس...رديت ما لقت اخويتي إلي ابيها...رد حبلك وحده و تزوجها ولا شرايك؟؟!!
قلت راي انك خوووش مطوع :) (حب يطلعنا من الجو السياسي الولد:)
من خلال هالحوار إلي دار بيننا تغيرت عندي مفاهيم كثيره ... وكنت معارض لاشياء عده مثل نسب عمادة القبول و امتحان القدرات و كذلك الاعانه الجامعيه و جملة ترشيد ..ونحمد الله على هذا الحال حكومتنا ما تقصر و لو ان في قصور هاليوميين ...فبشكر تدوم النعم.
قلت راي انك خوووش مطوع :) (حب يطلعنا من الجو السياسي الولد:)
من خلال هالحوار إلي دار بيننا تغيرت عندي مفاهيم كثيره ... وكنت معارض لاشياء عده مثل نسب عمادة القبول و امتحان القدرات و كذلك الاعانه الجامعيه و جملة ترشيد ..ونحمد الله على هذا الحال حكومتنا ما تقصر و لو ان في قصور هاليوميين ...فبشكر تدوم النعم.
فرعون الشعر
قبل شهر عيال عمنا من السعوديه ال ناصراقبلوا علينا...وبعد الغدا طلب مني واحد من الشباب نشافه!!
قلت : نعم!! قال: النشافه النشافه قلت: شلون تبيني ايبلك النشافه!! جان ياشر على فوطه
طول هالفتره ضنيت يبي ينشف ايده بنشافة الغساله خخخخخ
بعدها قعدنا و سوالف و تبادل بلوقات و بلوتوثات فياب طاري ناصر الفراعنه!! و دزلي قصيدته عن طريج
البلوتوث.فتفاعلت جدا مع القصيده كون كلماتها غريبه و انها تتكلم عن تاريخ السباع!! لكن اكتشف ان لهذا الشاعر
قصائد اروع و اجمل.. ببرنامج شاعر المليون. والغريب في الامر ان هناك اشاعه طلعوها انه مسكون!! وذلك لان عنوان احد قصائده
((ملوك الجن))...لك البيرق يا بو فارس لا خلا و لا عدم يا ولد عمي ...هذي ضريبة النجاح
هناك 15 تعليقًا:
اسلوب السرد جميل
وعلى طاري النسب والمكافأت الجامعيه
عندنا وعندكم خير
نفس الحال وحدث ولاحرج
القبول بالموت بس الحمدلله
انقبلت بسرعه نسبتي ترفع الراس خخخ
والترشيد مادري عنه شئ
بس انطباعي زييين عن الحمله يوم شفتها بالتلفزيون
ماكانت عندي النظره السلبيه لها
ويازين الاقتصاد في كل شئ
ليه الاسراف
والنشاااااااف
خخخخخخخ لاتعليييييق
نشافة الغسيل مره وحده
:)
لوووووووول بوست حلو
بصراحه وايد في أشياء تصير بالكويت احنا نضخمها وايد بس لو نقارن احنا الحمدالله احسن من غيرنا رغم السلبيات الي عندنا بس هم احسن من غيرنا :)
وصج نسب القبول والله فيها ظلم يعني حرام وحده تتخرج من الثنوية 3.89
ومع القدرات تصير 89.6%
وتقدم طب وما يقبلونها لانها بنت بينما صبي معدله 86 يقبلونه مو ظلم
:(
لازم يساوون بين نسب البنات والشباب لأنه بصراحه اثنيناتنه قاعدين ندرس وبضمير بعد, مانقول رفعوا نسب الشباب بس نزلوا نسبنا احنا البنات شوي :(
وبالنسبة لموضوع ترشيد اهو شي حلو انه يكون عندنا هالتفكير الواعي :) بس عاد مو لدرجة يطفون كهربت البيوت والشركات ليتاتهم فاتحه من الصبح لي ثاني يوم
وسالفة النشافه فلم لووول
ثانكس مره ثانيه على البوست
نعمه نعمه لله الحمد والحمدلله على كل حال
:)
حتى انا سمعت انه مسكون !!
اي والله حبلك وحده وتزوجها اشفيهم بناتنا اهبلون وجنهم البخت ؛)
واذا مالك خلق الله يخلي الخطابه :))))
ياحلو البحرين واهل البحرين يا حلو قلبهم الطيب شعب حبيب وطيب
الا قولي شخبارك من زمان عنك
اشلونك ويا الدراسه
ايه ايه ايه
البحرين اهل الذوق والكرم والامارات بعد
شوف ياخوي سالفه الترشيد يابت نتيجه حلوه وقلة نسبه الاسراف
وبالعكس حتى الوزارات ترى يطفون كهربتها يعني احنا وزارة الكهرباء والماء يطفون الكهربا علينا ويوزعون نشره وبيوم عطله يطفونها من الى وبس
صج شي يقهر يوم نشوف بعض المجمعات مبطله الليتات الظهاري بس شنسوي بعد
والاعانه احس انها تفيد الطالب بشي عالاقل من مستلزمات دراسيه واشياء اخرى
فعلا لازم يساووووون بين البنات والشباب بالنسبه للمعدل الخاص بالقبول
وبيني وبينك لو يزيدون من اهنى لي باجر محد يرضى الانسان هم يبي ومايرضى او يقتنع
بالنسبه للبنات بيني وبينك بنات الكويت يعتبرون توب مقارنه بالدول الاخرى ( الخليج ) يعني الكويتيه تبين لى راحت الخليج انها كويتيه من كشختها واهتمامها بنفسها وشكلها الخارجي
وبيني وبينك حلات البنت بشي ناعم من المكياج مو شي اوفر
والحمدلله على ان احنا كويتييييييين
ومادرى اول مره ادرى عن سالفه المسكون
قواك الله ياخوي وقولى شخبارك وشمسوي
الوان ولكن رماديه
مشكوره على الاطراء اللطيف:)
عاد تصدقين واحد من الاهل كان ناوي يدرس عندكم بجامعه الملك فهد على ما اضن ما اقبلوه بالكليه الي يبيها لان نسب المنح الدراسيه مرفعينها عندكم!!
والله احنا مو مسرفين ...بقولج قصه
جيري قرر يفتح له مشروع يوهم توم انه بيفيده و مره و حده يفيد روحه...فهمتي!!
اي والله خو انا غشيم بهالسوالف!!
الطيبه اذبحتني
انا اقولج واحد من عيالنا تخرج بنسبة 90 ثانويه عامه و مع القدرات صار 70 واحرموه من حلم حياته!!
انا معاج بهالنقطه....العدل في نسب القبول و عدد الكراسي بين البنات و الشباب...الظليمه شينه
اي والله خل يطبقون بالمرافق العامه بالاول!!
شاكرلج مرورج الطيب:)
حياتي هدف مو عبث
اي والله الحمدلله على كل حال احنا احسن من غيرنا
يبا ما عليج فيهم دعايه يبون يطيحون سوقه!!
حياج نور البلوق:)
صبا
:) ما قلنا شي بناتنا فيهم الخير و البركه بس انا اقول الوالده او الخوات هم الي يختارونها و بعدها الحب:)
بعدين تعالي عمري 16 سنه ويني وين هالسوالف!!:)
لا الا الخطابه.....واذا انتي بتتكفلين تدوريلي خلاص بس رجاءا نبي كامل المواصفات الكامل الله...جني باخذ سياره مو مره هههههه
والله بخير و نمشي الامور....بس ادعولي بالتوفيق بقالي سنه و اتخرج
شاكرلج مرورج اختي صبا
الكندري
اكيد بيطفونها عليكم ...تبين ينقدون على الاساس...والله اذا بطلوها عندكم انا اول من يسوي مظاهرات :)
يه يه يه الوالد والاخت عندكم بالوزاره:)
على سالفة الاعانه انا الحين ماني متكلم لاني سمعت ان الاتحاد قعد يشتغلون عليها ومراح يقصرون . شي مو جديد عليهم:)
لا مسكون ولا شي ....خاموش خاموش يعني طاف
انا بخير وانتي شمسويه اعذروني صارلي 10 ايام مو شابك تعرفون امتحانات
تسجيل حضور وإعجاب ..
كفو والله سبيع :)
وييييييييييييينك انت
اخاااااااااف صار فيك يني :(
شفت شلون ابوك واختك عندنا حركاااات
وبعدين تراااااك طولت علينا شدعوه كل هذا امتحانات
عالعموم الله يوفقك ياخووي وبشر شصار على امتحاناتك تمام التمام ولا زي كل سنه
:)
سؤالك اثلج صدري
يه يه كل هذا علشان الريس والاخت عندكم بالوزاره عيل لو ابوي الوزير بكبره
على العموم اختي شيماء تعرفين خو انا مو بالجامعه مثلكم :( فامتحاناتنا متواصله ماكو فجه غير الجمعه ...فاستغل الفرصه واروح احدق مع اخوي والوالد
لكن قلبي معكم وها مفكر انزل شي يديد
بالنسبة لحملت الترشيد ...>>> فأهي ضرت أكثر من أنها أنفعت و صرفوا عليها فلوس اليهد و لو أنهم خاشينها و مجمعينها و شارين فيها محطة أبرك و أخير.
أما بالنسبة للإعانة ...>>> فأهي طايرة طايرة و بالذات ان الشعب الكويتي اللحين صارت الديون من راسه لي أخمص قدمه و هالأعانة تشيل حمل عن الاهل و بالذات ان الطالب الجامعي مطر يصرف أكثر من غيره.
أما بالنسبة لبناتنا...>>> الله يستر عليهم و يطرح فيهم البركة .
أما ناصر الفراعنه ...>>>فهو شاعر بكل ما تحمله الكلمة من معنى و للعلم فأنا لست من قبيلته و لكن من أكبر مشجعينه و معجبينه فهو لغاية الآن الأروع و يستاهل البيرق
حيالله بسامي ....يلا شغل مدونتك خلص
و الا ابوق القصيده الي عندي و انزلها باسمي!!
إرسال تعليق