قبل يوميين وصلني cD من احد الاصدقاء من القائمه الائتلافيه....جزاهم الله خير على هذا العمل الطيب...يعرض فلم بعنوان
((قصة وطن)). بل هو ايضا قصه ابطال شرفاء ...ورجال مواقف ...مشاهد هزت كياني...تمنيت لو كنت مولودا و شابا انذاك
بحمل السلاح مثلما فعل ابطال كيفان....الذين وضعوا الدين ثم الدوله فوق اي انتماء طائفي و حزبي. ليت من هم بامثال لاري و
عبد الصمد ان يتعلموا منهم.
سني +شيعي+ بدو +حضري= كويتي
معادله حققها اهل الكويت اثناء الغزو العراقي . وزاد تتمسكهم بها بعد الغزو العراقي. لدرجه ان احدى الكتاب الخليجيين كتب مقال يفيد فيه انه لم يشهد دوله خليجيه بهذا الروح من الوطنيه مثل دولة الكويت.(انظلونا)...بالسابق كان المواطن لمن يقول انا كويتي بفخر...كان يقصد من
ورى هالفخر هو الانتماء. اما الان اصبحت الكماليات و الامور الماديه سبب فخره!!!(ولا للتعميم)
ان ليوم التحرير معنى اعمق من رش الفان و (هز خصور و طق طبول) بل المعنى الحقيقي للاحتفال بهذا اليوم هو تذكير الشباب
بابطال التحرير الذين كاونوا كالجسد الواحد جمعهم حب الله ثم الوطن
يقول رسول الله المسلم للمسلم كالجسد الواحد اذا اشتكى منه عضو تداعى له سائر الجسد بالسهر والحمى
موقف يستحق الذكر:
كنا متجهين للطائف....فاذا بالسائق سعودي الجنسيه يشير باتجاه فندق على قمه الجبل و يسال: اتعلمون من كنا نشاهد هناك!!!
قلنا من؟؟ قال : لقد رزقكم الله بشيخ نحسدكم عليه انه الشيخ جابر لم يكن ليله ليل و لا نهاره نهار ....يمشي ذهابا و يابا و التلفون لم
يقع من يديه....فقلت: دمعة بابا جابر الله يرحمه .........(.صمت)اخنقتني العبره
لولا الله ثم ابوي جابر و رجال المقاومه و دول الخليج و مصر و USAو غيرهم لمسحت الكويت من الخريطه و اصبحنا متشتتين في تلك الدول............................فهؤلاء من يستحق ان نشكرهم
حفظ الله و كويتنا من كل مكروه
ابطال التحرير
مرسلة بواسطة
bu-saad
فـي
23 فبراير, 2008
21 التعليقات:
wayd el post 3ajbny wwdy a3lg bs ma yktb 3rby
shof ya o5oy makoo frg binah lanh a7nh bl nhaya kuwaitin w makoo shy byfrgna enshallah
el'3zo byn kl wa7d fena shnoo ykon byn el3do wl 9deg bynt m3adn elnas klhm
nas matw 3lshan hlw6n w 3lshan y7mona
rf3w elsla7 3lshan derthm w 5ofhm 3la elkuwait
shkly bshoof a7d bl8aema hathy w ashof el cd
allah yr7m baba jaber
wallah y7f'6 dertna mn kl 7a8d
asfa lana el comment bl english
فعلا مواقف ما تنسى
كل الكويتيين اتحدوا و صاروا كويتي واحد
هذا احلى شي بالازمه
و اكيد ما ننسى دور عيال الكويت
لان ما احد حافظ على الكويت الا عيالها
اللهم تقبل شهدائنا و شهداء المسلمين
و ارحم موتانا و موتى المسلمين
واحنا نقدر ننسي هالايام الصعبه الي مرت علي الكويت ؛الف حمد وشكر لله ؛
وعسي الله يحفظ ديرتنا من كل شر ويحفظنا يارب
بوست رائع
مساك الله بالخير اخوي بوسعد
الناس غير الناس ياخوي صارت المصالح اهي الميزان والفصل الله يعينا على تصاريف هالزمن واحواله والله يرحم بومبارك ويحلله انشالله وكل موتى المسلمين
والحين لازم نغير الاسم من قصة وطن الى
وطن القصص
ما قصرتي اختي شيماء
اميين يا رب الله لا يفرقنا...ومثل ما قلتي الغزو كشف امور كثيره
والله ودي انزل الفلم ...لكن ما اعرف بهالسوالف....
امين و يرزقه الجنه ويشفي ابوي سعد
ويحفظلنا كويتنا من شر الفتن اللهم اميين
حياج...كله واحد ...بس حنجي طاح من كثر ما اهجي:)
peace
اللهم اميين
هذا اقل شي نقدر نسويه في حقهم
حيالله بالاخت صبا
فعلا منو يقدر ينسى؟؟
هذا وانا ما عشت هالفتره و قلبي احترق!!
بو راشد
يمسيك بمثله
اتفق معاك.........ترى عيالنا فيهم الخير بس يبيلهم ندوه نرئسها انا و ماك:) وكلمه كلمتين تصير الكويت قبل
كل مصلحه
مو جذي؟؟
بو راشد
قفال!!
للاسف يعني ما لحقت!!
مدونه رائعه بالفعل التمس فيها حس الوطنيه.....ارفعلك القبعه تقديرا
ياخوي مومني لابتوبي يديد واهو فيستا وانجليزي مامداني اسويه عربي لان رحنا موفمبيك كنا حاجزين هناك وخذيته معاى وماقدرت كل شوي اخذ لابتوب اختى او خالتى يعني هم اهم بيستخدمونه فكتبت معرب خلااااص مره ثانيه بكتب عربي افا عليك بس ياخوي
وبخصوص الفيديو مادري شلون بس لي عرفت بقولك
هذه المسألة باتت معقدة الآن فالكل اصبح ولاءه غير وطني .... في البداية كان هناك ناس اصلهم من نجد ويو الكويت من اصل بعدين يو ناس من اصول ثانية وتغير الأمر شوي شوي في السبعينات لم يكن هذا الامر ولكن زاد الطين بله في الثمانينات ولكن انتهى هذا الامر في الغزو وزاد عقب الغزو فكل من يربيد ان يرفهع اسم قبيلته او طائفته او جماعته وزادت هذه الحدة في الألفية.. والدليل الحكومات الامتعاقبة تعتمد على نظام المحاصصة الذي يأخذ كل قبيلة او طائفة او جماعة ويضع لها وزير ... فهذا الذي حصل فالأمر عادي لأن كل واحد يفكر بقبيلتهاو طائفته او جماعته بعدين بوطنه وانا لاأعمم اذا زادت هذه الامور فستصبح الكويت لبنان الاأخرى وانا لست متشائما ولكن الوضع يخوف ... مع تحيات كويتي من كوكب آخر
كويتي من كوكب اخر
شنو الي مخوفنااكثر من الشي....
صدقت في كل كلمه قلتها
ولا يسعنا الا الدعاء للمولى ان يبعد عنا الفرقه و الشتات.اللهم اميين
شاكرلك مرورك الطيب
الكندري
عادي كله و احد نسوي تماريين للحنج:)
والله لو انا منج ما دريت عن اللابتوب و ابوه بعد!! حاجزه للاستجمام والراحه ولا التعب:)
الله يحفظ الكويت
وياريت إذا كان بالإمكان أنكم ترفعون
الفيديو
فديتها الكويت الغالية , أيام ما تنسي آنا وقت الغزو كنت بالكويت مع اهلي وكنت صغيره حيل فما أتذكر شي بس الصور والآثار الي بقت تدمي لها القلوب الله يرحم شيخنا جابر ويسكنه الجنه يارب ويوسع عليه قبره , ولولا شهدائنا وولاء حكامنا وشعب الكويت والأخوة الي وقفوا معانا عمرنا ما كنا راح نرد هاللؤلؤة لأحضانا , وللأسف الحين الفتن الداخلية صارت وايد خاصة عقب السالفه الي الحين منتشره بالكويت وبشده, ناس ما عندهم ولاء للوطن ويثيرون الفتنه بين فئات الشعب المترابط وللأسف انه قلوبنا تحترق شلون وصلوا ناس مثلهم للمجلس الله يحفظ الكويت من كل مكروه ويبعد عنا المشاكل الداخلية مشكور أخوي بوسعد على الموضوع القيّم
الياقوت
اللهم اميين
بودي ارفع الفيديو ...لكن ما اعرف الطريقه !! بسأل و انشالله ابلغكم
شاكرلك مرورك الطيب
الطيبه اذبحتني
الحمد لله الكويت لازلت دره ...رغم انوف الحاقدين و الموالين لغير وطنهم
vبالنسبة لرفع الفيديو بسيطة
بعد ما يتم تنزيل الملف على الجهاز ..
ادخلوا على أي موقع من مواقع رفع الملفات مثل فورشيرد إن كان لديكم حساب
وإن كان حجم الملف كبير قوموا بضغط الملف بعد ذلك قوموا بجلب الملف إلى موقع التحميل ومن ثم يقوم بالرفع ويظهر لديكم رابط للتحميل
إن شاءالله فهمتوا الطريقة :)
وإن لم تفهموا أخبرونا لنشرح بشكل أوضح أكثر ^_^
احنا ننطر مصيبة تنزل علينا علشان نتوحد .. الله لا يبلينا بس
الياقوت
شغل عدل مدل........ترقبوا!!
جزاك الله خير الجزاء
الحارث بن همام
حيالله بالحارث نور البلوق:)
اسال الله ان يشفي قلوبنا من داء الطائفيه..وان يجعل حب الوطن هو الحب الكبير بعد الله سبحانه
السلام عليكم
انا افتخر انى تعايشت مع الغزو بكل من معناه من خوف وترقب حتى القصف الجو والتحرير ومابى اقولكم احاسيس مختلفه جدا بس احلها القصف الجو الا لما بدا مع انه القنابل ممكن تحوشنا هذا على حسب تفكيرنا بس قمن ينبب من الفرحه وبجينا فيها لانه القصف الجو دليل على انه الناس الابره مو ناسيينا مع انه اعلامهم ما قصر فى احباطنا ولو تشوفنهم تقولون انه مافى رجا من الا نسوي بس الصج كان تفكيرنا انه لو يسوون الا يسوونا مستحيل انى اصير عراقيه شنو اهوا يتحل ديرتى وعباله بصير عراقيه وعلى فكره تراهم متوقعين انه ننحبط بس اول صدمه لهم لما صارت مقاومة الكيفان الا حيرتهم وربي احنا نضحك عليهم لما نسمع شسوون فيهم تعقدو منا لين حاصرو كيفان بدباباتهم اهنى افتلو المقاومة بس كانو يلتقون بكلمة سر هذا الا اعرفه والا اعرفه انهم لما يدخلون للتفتيش للاسف مو قصدهم تفتيش كثر ما كانت عيونهم وقحه عبالهم مثلهم كل شي مباح , اما خيطان ف كانو الصعايده لهم بالمرصاد وربي لو كنتو وعشتو هالفترة تحسون انه الكويت خيرها ودعاء الناس لها صج حافظه انا الا ادرى عنه غلاع انه لما دخلو وعلى ما وصلو المناطق الداخليه كانت الساعه تقريبا 7 الصبح احنا كنا محتارين نطلع والا لا واول قصف الا قصفوه مبى وزارة الاعلام لانه المبى يمنا وسمعنا لدويه الفجر كانو طبعا نيتهم انه يفصلون الاعلام عنا بس الراو ظل يشتغل فترة بسيطه وانقطع والحلو فى الموضوع لما صار ازحف البرى اتصدقون عاد درينا انه بيدخلون الجيش علىالكوريت عشان تحرر لما شفناهم قبلها بجم ساعه لانه فى تمركز قاعدتهم جدام بيتنا ولو تشوفون النحشه ما تلهم تقول افليت وانكب عليهم وكان فترة الساعه تقريبا 2 سمعنا هرنات وسيارات تفشط سرعه وبطعا قامو يطون قبلها بجم يوم على البيون وياخذون السيارات الا يقولون عنها ما يصير يصير بالبيت اكثر من وحده وفعلا والا يتمنع عن اخذها يطلقون عليه الرصاص طبعا هالحركه عايه عندهم جنهم ذابحخين ديايه مو ادمى
بس بقولكم فى سالفه سواها واحد بالفريج علىسيارته بجد حيرتهم وقمنا نضحك من غبائهم من سمعت السالفه
عموما موضوعك يا ولد الحلال حسسنا انه الكويت اول غير والحين غير بس الا متاكده منه لما تصير مصيبه على هالارض تاكد من كلامى الكل بيصير ايد وحده وبينسون خلافاتهم
والتقى وياكم وقت ثانى عشان اقولكم مواقف سمعتها من وحده كانت بالمقاومة ومن سوالف فريجنا
إرسال تعليق