الجمعة، 29 أكتوبر 2010

الزمن صلب ..

تحديث
الموقع : برايتون سيتي
درجة الحرارة الصغرى :9
درجة الحرارة الكبرى : 14


شباب الاتحاد مسوين فطور يوم عرفه ..و عشى عيد الاضحى .. الكل نزل الا بو سعد
الاجواء راكده بدون الربع ..

عيدكم مبارك يا جماعه و عساكم من عواده ..وهالله هالله بالعيادي . اطرشلكم رقم حسابي !
خمسين و طالع ..( ويهك بس)

بنزل لندن يوم العيد بوجبهم ساعة زمان .. ومن ثم الى الكــــــــــــــــــــــــــــــــــــــــــويت
ريحة اهلي











عرف مساره ..تحمس للحياة ..استمتع بحاظره ..ووثق بمستقبله..احبه اكثير . وادعى محبته
بعض المنافقين قدم جزء من وقته لهم ..طاقاته قدراته امكانياته . فمثلما يعود النهر الى البحر
يعود عطاء الانسان اليه .


بالامس القريب من الله علي بفرصه و بعد ما استخرت و استشرت فكان الجواب ( اذا هالمشروع
بيرفع مكانتك اعقد العزم )..وتوكلت على الله وما خاب من عليه توكل .


ولله الحمد قدت حياتي و صنعت لها قوانيين . و يقولكم اب واحد خير عن عشرة معلمين
وبعد مضي 4 اشهر جاء وقت التقييم ..وعندما علمت ان 15 مرشح لل3 مراكزالاولى .
.كبريائي وعقلي يدرك باني لا اهزم ..وحصت المركز الاول في ذهول دكتور الكيميا
" بل عليه شوفوه تعلموا منه شلون ينطق " ( على قولة ام محسن اتبلبلت حنوجك )

الزبده
يقولك سلاح اللئام قبح الكلام ..ويقولك بعد الحسد اعتراف من الحسود بدونيته ...اذا مشاريعهم علبه

رينبو تنفع لام جاسم تحط ديرمها ودهن بو فاس فيه ! انا شلي بيدي ! يه

مشكور يا الصقر على وقفتك ..رايتك بيضه ..كثر الله من امثالك .. الصعوبه في مشروعي كانت

نقطه البدايه و نهايتها ..ونهايتها مسك بيدك .وخويك العود بو سالم ...حضوره واستاذانه من الدوام

فاجئني ..ودعمه ومساندته لي عزز وقفتي قدام اللجنه ...









بيتيين من السان عمر لهم سنه يرنون بذني
لا تعامل بطيب كل الاجناس ..حسب الاشخاص خل معاملاتك

دوس روس المصعاب قبل تنداس ... واسلك الدرب الاصعب في جهاتك



لا تعمم مو كل المطاوعه جذي ؟؟
صاج يا اخوي
مخطئ من ظن يوما ..ان للثعلب دينا







غطايه لعمر !
(بو قاق مات ..وقاق قص اقنيصه ..والسدره حتت ورقها ..و الغراب نتف ريشه ..والعين اشربت ماها
.والعبده كسرت مصاخنها و العمه اعصبت راسها و العم حسن لحيته )



منو القاق ؟
منو بو قاق ؟
منو السدره ؟
منو الغراب ؟
و منهي العين .؟
منهي العبده .؟؟
ومنهو العم ؟
منهو العمه ؟
والاهم منو البطل ورى كل هذا ؟

هناك 11 تعليقًا:

سلة ميوّة يقول...

كيفما البداية ...تُصنع النهاية..

الله يوفقك دايما
ويسعد ايامك

ومالي بالغطاوي وانا اختك..وتبي الصج..
انا ربع ساعه اقرا بوقاق...بوفاق...

شلون تبيني اجاوب بالله:)

مسى الخير

هــديل يقول...

الحمدلله على كل حال ..

المهم من ها السالفة إن الإنسان يعرف قدر نفسه.. ولا تنتظر تقييم أحد..


هذا الزمن يبغى له انسان دلال

و من يستحي ها الوقت واعزيتي له

خاتون يقول...

السلام عليكم

الدرر قد لبست لهذا
الموضوع أساورًا وحيولا

تدفا عدل *_^

طول عمرك وأنت تعرف مسارك لكن المسار في ذاك اليوم كان مكشوف والكل أنبهر في قدرت وخطواتك الواثقة اللي أخجلت الكثير وقربت البعيد وبعدت القريب.

لطالما كنت كوكبا مضيئا يستنار به ومحبين الظلام يجدون في نورك نارا تحرقهم وحاسدك قد مات محترقا بحسرته
وقد بات قلبك مرويا بعد أن كان عطشانا

"المعنى في بطن الشاعر يابوسعد"

يبتها على الجرح...
"مخطأ من ظن يوما أن للثعلب دينا"




بو قاق مات ..وقاق قص اقنيصه ..والسدره حتت ورقها ..و الغراب نتف ريشه ..والعين اشربت ماها .والعبده كسرت مصاخنها و العمه اعصبت راسها و العم حسن لحيته..وخاتون مرت من هنا وتقول عسى الله يلطف بقلب قاق ويرحم أمه .

الصقر يقول...

هلاااااااااااااا

صحي النوم
طولت في النومه هالمرة يا بو سعد
صباح الخير :)

الحمد لله واخيرا قدرت اعلق اقعد
خوش بوست

و الله انت قدها و قدود يا بو سعد و تصرفاتك في محلها

و صدقت مخطئ من ظن يوما ان للثعلب دينا

و الله يعين قاق و صبره على ما ابتلاه

و انت دايما البطل يا بو سعد

ما وصيك لا تنام وايد هالمرة بسك نوم

فمان الله

عمر يقول...

قاق واحد سوى مصيبه حق الناس كلها بقصد او من غير قصد
بو قاق الضحيه الاولى والسدره الضحية الثانية والبقية هم ضحايا ايضا
هذه القصه لها قصة مشابهه,, اما البطل فهو بوسعد ؛)

طموحه يقول...

السلام عليكم

لا تحرمنا من كتاباتك يا بو سعد
لا توقف

الياقوت يقول...

لا تعامل بطيب كل الأجناس .. حسب الأشخاص خل معاملاتك .. دوس روس المصعاب قبل تنداس .. واسلك الدرب الأصعب في جهاتك



صح لسان القائل والناقل رهييييييب !


ولا تقاطعنا بالتدوين !

وعودا حميدًا ،

وكل عام وأنتم بخير وعيدكم فرح
وسعادة : )

~حَدِيـثُ الفَـجْـر~ يقول...
أزال المؤلف هذا التعليق.
~حَدِيـثُ الفَـجْـر~ يقول...

اول شي
الله يوفقك ويسهل امورك وشرح صدرك
ويعينك على الغربه
انت وكللللل ربعك وكل مغترب عن ديرته
و تفرح اهلك وخصوصا اميمتك بردتك
شد حيلك و خلص و رد الديره بيدينك الشهاده رافع راس ديرتك واهلك
-------------

انك محدد لك شي بحياتك وتسعى انك توصله .. انجاز حاليا لان اغلب الشباب ما يعرفون راسهم من كريسهم ;q
انك وصلت للي تبي وحاطه لك هدف .. يعد قوه و قمه بالقوه .. سقت نفسك و تليتها تل للي تبي انت وما خليتها تسلك الطريج القصير
انك سويت كل هذا على الرغم من وجود حسااد ويتصيدون الخطا لك .. فانت فقت القوه و الشجاعه .. الشباب بهالزمن يتحبطون من اي كلمه وماشاء الله الحساد كثاار ومايخلون احد بحاله

و انت قلت توكلت على الله وماا خاب من تووكل عليه

و اوافقك مو كل المطاوعه "جمبازيين "
و الي جذي فالله يسامحهم ويهديهم =)

الله يوفقك اخوي =)

entrümpelung wien يقول...

شكرا لكم .. دائما موفقين ..::))


entrümpelung
entrümpelung
entrümpelung wien

Entrümpelung يقول...

شكرا على الموضع المتميز
Entrümpelung
Entrümpelung
Entrümpelung Wien
Entrümpelung Wien