شكر واعجاب:
كم من منقوص رابح.......وكم من مزيد خاسر....استمر في العطاء....وعسا الله يكثر من امثالك...
ابد ما خسرت ..نزولك كمرشح مستقل بعينه الكويت فقط ... لا تيار لا حزب لا قبيله هو الفوز بحد ذاته
كم من منقوص رابح.......وكم من مزيد خاسر....استمر في العطاء....وعسا الله يكثر من امثالك...
ابد ما خسرت ..نزولك كمرشح مستقل بعينه الكويت فقط ... لا تيار لا حزب لا قبيله هو الفوز بحد ذاته
د. عبدالله الطريجي
وتبطلت على الديره ابواب وربك الحافظ...
سقف الحريه عند الفكر العلماني ما له حدود ..وعلى الارجع ما راح يوقف لهذا الحد .وتاكد دخول المرأه للمجلس بدايه لنشر هذا الفكر. و القادم اعظم وغير متوقع .ابتداءا من المطالبه بقطع صلة المراه بالاداب الاسلاميه و الاحكام الشرعيه .ومثل ما حضرت جنابها هاذي ابتدت بالحجاب باجر بتطالب بمساواة الرجل بالميراث و ومنع التعدد وتعال خذ و خل..فالسؤال الان هل سيعود التيار الاسلامي للنهوض من جديد كما فعل ايام السبعينات!!
هناك 32 تعليقًا:
بالتوفيق دائما
موضوعك ذو شجون
اتحفظ عن التعليق
:)
لكن ادعي ربي ان الكويت تكون بلد الديمقراطية قولا وفعلا
وينعم الكل على ارض هذا الوطن بالخير
:)
ما فهمت عليك بالملف الصوتي
قول شنو تقصد
عشان أقولك الخطوات بالضبط
:)
السلام
اخوي سالفة المجلس خلها على الله و الله يستر منه
اما عن دخول المرأة للمجلس ... شنقول غير ان المرأة تبي تنافس الرجل بكل شي و الله العالم إالى أي حد
بس شلون احب كوعي ؟؟؟؟ !!!!!
جربتها من قبل و لا شنو !!
؛)
على فكره العنوان صيغته غلط .. حاولت اعدله من اول ما كتبت الموضوع لكن علامة التعديل ما تطلع على البوست ...والبدليه تلزقت فيني؛)
:)
مافهم بالسياسه ..
ولا بالانخآبات ..
لكن اتمنى ان الانتخآبات كان مرضيه لكم
واتمنى لايحدث ماتقوله بأن يتم المطالبه بعدم لبس الحجاب والمساواه في الميراث ..لان ذلك بدايه الخراب :)
طبعا هذا اللي فهمته من موضوعك انك منزعج من هالامر ..
وان كان قصدك غير ذلك فأنا اعتذر ..
لان فهمي دائماً في هذه الامور بسيط :)
سعيده جداً لزيارتي لمدونتك الكريمه ..
ما ندري يا بو سعد الخيره وين
جربنا الرجال و ما قصروا و بعضهم سبب الخراب و حال البلد جدامك
انا متفائله بسلوى الجسار و معصومه المبارك اما اسيل و رولا الله و اعلم
بس نقووووول يارب يوفقهم و غيرهم
للي فيه خير البلد .
عن نفسي نتائج دائرتي ما يت على
ما تمنيت بس الحمدلله على كل حال :)
موفق وخيي بدراستك :)
فاطمه
حياج الرحمن
فعلا هذا المقصود..
وانا كذلك سعيد بمرورج
:)
قلب طفله
ولج المثل ..:)
انا ما اختلف وياج ..سيدات المجتمع الكريمات اذا امسكوا شي ..يكفون ويوفون ..
لكن مثل ما قالت اختي فاطمه هذي بداية الخراب...وعسا الله يحفظنا...
يبون الي اسمها منيره و فاطمه تصير جاكلين !
المباركيه
شكرا
منال
اميين
حياتي هدف
طال عمرج...اول ما ابطل مدونتي
او اي زائر يسمع صوت لاغنيه او انشوده ..
الصقر
انت ولا جلمه..مالي اي حجوه وياك...
:(
ياحبيبي يا بوسعد منو وصل المرأه هل المواصيل ؟؟
وين الرياييل ؟؟ شنو حصلنا منهم غير استجوابات وبوقات وينحل المجلس عشر مرات بالسنه ، واحد يدبكلي والثاني يحذف مكرم السامع جوتيه وكل ساعه متكافخيين فشلونا !!
خلينا نجرب المرأه شنو خسرانيين خو احنا جربنا كل شي واذا على الشريعه الاسلاميه ترى نص قوانين البلد مو صوب الشريعه ولا الشريعه قاعده تطبق فيها
اهو صج لا خير في قوم تحكمه امرأه بس ما باليد حيله ..
وبعدين يا بو سعد هدها خلها تحدا :)
حط لي رابط النشيدة عشان أشرح لك
عمر
عذروب خلي حسنها الفتان
يا زين خلي محلى عذروبه
كاااااااااااااااااااااك
عمر تحملني ..شسوي الحب هو اللي يخليني اطفرك
تكفى طرشلي بحث المشروع ايميل باسرع وقت
خلها تتحدى...بنشوف...!!
http://www.omaniyat.com/sound/Ya_La
il.mp3
مثلا هذي نشيد يا ليل حمود الخضر
السموحه اختي حياتي هدف ..تعبتج وياي
:)
لاتعليق حقيقتا
موضوعك يبين انك مواطن صاحي
وقلبك على البلد وقاعد تشوف الانحراف امامك واضح
واما سالفه ان المجلس هذا راح ينحل ولا لأ
انا مو جهة نظري لا اعتقد الحل
وهو احتمال ضعيف
لان الي وصلوا ضعاف جدا وحكوميين
وبعدضهم كلمت توديه وكلمه تيبه
مثل فيصل الدويسان
يعني خذ وخل
مافي ريايل
يقولون كلمت حق الا ما ندر
فالمجلس مطول يمكن 8 سنوات :)
اما الفكر العلماني ... الله يستر منه
كان مضغوط الفتره الي طافت
الحين لقاله متنفس
فالله يستر
علينا وعلى بلدنا
ولكني اتعهد امام الجميع
ان قلمي سيكون سلاح في وجه افكارهم الهدامه
وسيكون لمصلحة هذا البلد الطاهر
شكرا لك وبوستك رائع
خليت كل واحد يعبر عن رايه
وانا احترم رأيك ورأي الاخوة المدونين جميعا
حقيقة انا من اول ماشفت في الاخبار ماعجبني الوضع
حمدت ربي ان هالشيء مو عندما في السعودية
بس كنت اعتقد ان الوضع عندكم غير
لا اعتقد ان سقف الحرية في العلمانية مفتوح .. لو كان كذلك لكان سُمح للمرأة المسلمة بارتداء الحجاب في فرنسا العلمانية
لا حرية أوسع من الحرية التي كفلها الاسلام وحدد ضوابطها
بالمبارك بوسعد راحت نوريه قل عددهم
يلا الباجي بالطريج :)
لو ادري انك مغنيلي هالاغنيه جان ما دزيت لك البحث
:((((
والاخت اللي بالسعوديه لا تستعيلين على رزقج .. نوره الفايز اول وزيره سعوديه والباجي بالطريج
نحن السابون وانتم اللاحقوون ؛)
شيماء الكندري
أهلا اهلا... بشريني عنج اخيه!
الفنان
روووووووووح دربك خضر...وايدي بيدك
عسا الله يكثر من امثالك
ضوء القمر
صحيح الي يقوله عمر!!
الحارث بن همام
يبا اذا على فرنسا قلنا ما عليه...لكن تعال شوف تونس الدوله العربيه و فيها عدد كبير من المسلمين..والي يعتبرون المحجبه نشاز في المجتمع..
هذول شتحجي فيهم!
اي بالله لا حريه اوسع من حرية الي كفلها الاسلام بضوابط و حدود
احييك على روح التفاؤل ...لو الكل تفائل مثلك انقرضوا دعاه التحرر اللا محدود
الله يبارك فيك....بعد ما شنوا...بعد ما كدشتنا بمواد مالها معنى!
شكواي للي يفتهم شكواي
راح الحبيب راح طول الغيبه
واهم مقطع( ترن ترن ترن ترن )
كااااااااااااااااااااااااااك
يا سعود فات من الشهر 25 وما شفت خيلي اويلاااااااااااااه
حقيقة الي قالة عمر
في شهر 2 من هالسنة عينو اول وزيرة سعودية (نائبة وزير التربية)
وانا اقول ماعندنا
وحدة ماتدري عن الدنيا<<<< ما اتابع الاخبار على طول
اول شي ماشالله عقلك واسلوبك اكبر من عمرك وايد.........
ثاني شي حبيت اقولك ان المراه ممكن ان تكون بعض من المشاكل التي تود طرحها خاطئهدعنا نتعدى المشاكل البسيطه ودعنا نترك المطالب الخاطئه على جنب خلينا بالمهم والمشاكل المهمه الا تظن ان المرأه دخلت للمجلس لكي تحل بعض من مشاكل المرأه الكويتيه المعلقه...مثلا تقديم قرض منزل للمرأه العازبه لكي تظمن مستقبلها اذا فاتها قطار الزواج مثلا ولم تجد من يحويها في الكبر او مثلا حال ابناء الكويتيات المتزوجات من الغير محددي الجنسيه من ناحية العمل او الجنسيه بصراحه انا اتأمل الخير من هذا المجلس
صج انه فوزهم ماكان يعنيلي شي غير انه التغيير والامل في حدوث شي احسن من الي فات
لكن ما توصل لي درجه انه نهاجمهم ونحاربهم :)
ضوء القمر
وافشلتاه...هل الديره يعرف عن ديرتج اكثر منج!!
خخخخخخخخخخخ
جنون الكويت
شكرا ....ترى ما استاهل هالاطراء
اتمنى يكونون عند حسن ضنج
:)
اي والله كلامك عدل ..
للاسف الناس مثل المسبهين ورا الاعلام و الموضات و الهبات ..
على طاري الهبات انا ودي اهب بالحداق .. شلون الحيشان هالايام ؟ :)
هلا والله بالطيب الغالي
والله يا بو سعد انا من وعيت على الحداق وانا مالي اي درب على الجون....شغلي كله بالجنوب من المسيله ونازل ....
بس يقولون الحيشان مكان حلو حق الحداق لكن الثروه السمكيه مشغلين راداراتهم على الي يقرب صوبها
بو سعد شلونك؟
طمنا شخبار الامتحانات؟
كبرياء ورده
اهلا اخيه....
هذا انا محتاس مع الكتب ...مشكوره كبرياء على السؤال...انتي بس سوي دعوات حق انا ...؛)
وانشالله خير
موضوع الحرية بين العلمانية والإسلام له صولات وجولات ..إرجع للتاريخ راح تشوف أن هذا واحد من الاشياء الأساسية التي يختلف فيها الطرفين وسبب النزاع الفكري وللسياسي عندهم
والله يعينك بطلت على روحك باب ما يتصكر :)))
سامي ...
الله العالم يا بو سعد شنو بيصير لكن أظن انه مو نفس ما نبي بس الله خلاف الظنون يمكن تعود النهضة ... لكنـ في شي انسى هالايام هالناس كله راكضين ورا من يصعد بالبنيان نسوا انهم بيوم من الايام بي يصيرون تحته ...اسمعوا و اعوا يا جماعة
باجر تفهمون شقصدي
إرسال تعليق