قبل شهر كنت متواجد عند مواقف باتشي الفحيحيل ..و اشوفلكم واحد يبدوا لي انه من اهلنا من عيال المملكه العربيه السعوديه ياشرلي بيده يبي يكلمني..بطلت الدريشه والا يوريني اورقه وبعد ما قريتها اتضح لي ان اخونا يجمع تبرعات لخوه علشان يعفون عنه القصاص... وقلنا لبيه ... مدت الايد صعبه وما يسويها العربي الا وهو محتاج وقلت ابشر بسعدك وعسالله يفك عوقك و نعطيه المقسوم...ورفعت الدرشه..وشوي وما وعيت الا واحد هندي ياشرلي ..وتطالعني اختي وتقول شسالفتهم اليوم..! قلت ما يخالف بطلي الدريشه امكن السياره فيها شي...نزلت الدريشه و الا اشوف ذاك الهندي الي يسحر الواحد بحجيه و بلطفه و بكشخته...و يغرد انجليزي ويوجه الكلام لاختي... طايح من عينه يحسب ان مابيدي قريشات..ويقول:
I submitted Khairan and I want to go to Abdullah Al-Salem
I have no money To pay for a taxi
و عليه حركات ياخي تحسسك صج انه مو نصاب...لعنبوه حتى المنطقه الي على قولته يشتغل فيها مختارها صح..و انطلع له المقسوم حق روحت التاكسي و ازياده...
عقب نص ساعه انزلت اختي تيب نظارتها من المحل..وييلها نفس الهندي الزقرت ويقول نفس القصه ..وقومي تزفه وتقوله يا الحرامي و يشيل شلايله و ينحاش
مرت الايام ...واكن بشهر ارمضان الي طاف الساعه 2 الليل...رحت مجمع المطاعم بمنطقه بو حليفه ..وانا قاعد الاعب ولد اختي داخل السياره ما اشوف الا هندي منسدح على السياره والله حسيت انه يقول بقلبه( وياك الخير يا كومار)..ويطق الدريشه و كالعاده ابطل ..!
ويقول: بابا انا يبي يغسل سياره
بو سعد الغشيم: لا هدا سياره مو مال انا!
كومار: يعني شنو انا ما ياكل ...انا ابي فلوس انا يبي غسل كيفي!
بو سعد: تعال طقني بعد!
كومار: يذلف ويتحلطم و يجابل السياره من جدام ...و يطالع ولد اختي وهو ياكل
بو سعد: تعال بابا انت ما كسرت خاطري بس علشان ما توقف اللقمه بحلج اولدي والا انت زقوم ببطك ! وعطيته نص ويخب عليه..
وشوي والا ادقق بملامح ويهه و الا يطلع منو! يطالع النصاب الي نصب علينا اول مره !
اهو واحد من هالثلاث1) يا انا غشيم والنـــــــــــــــاس يستغلوني
2)يا النصابين تارسين الديره ويتفننون
3) يا السياره بالشتني ويحسبون ان جيبي متروس..ما يدرون اني متسلفها من الاهل!
هناك 26 تعليقًا:
???
من طال لغيبات يايب الغنايم
موضوعك خطير و لازم نوصله عند الحكومة ;p
بصراحة انا مالي راي بهالموضوع
:)
.........
......
:)
:)
صوتك وصل
برعايه سكوب
متشوقون الى الموضوع الاصلي
@@ شصاير ؟
كاااااااااااااااااااااااااااك
يا جماعه انا يالي تلفون على هالتعليقات قلت لازم اجيك....
السالفه وما فيها اني كنت كاتب الموضوع و مسحته و حطيت نقاط(.......) على اساس اني بطلع و برد اكتب غيره بنفس اليوم متى ما افضى..!! لكن مشالله التعليقات اسبقتني..:)
وهذا هو الموضوع... ؛)
بانتظار تعليقاتكم
عيدك مبارك حبيبي كشخه انا اول واحد اعايد عليك :)
كاااااااااااااك
والله سالفت الهندي هذي نكته ذاك اليوم قاعد اسولف لاخوي بالسالفه
ومن ناحية الحرامية ترى من زمان تارسين الديره ولما شبعوا علموا الجاليات ينصبون علينا
بوسعد لازم تغير السياره انا لو اشوفك راكبها انا اطمع فيك ؛)
الســــــلام بوسعد :)
أنا اتوقع السبب الثاني أو الثالث و استبعد الأول ههههههه
ميخالف عندنا و عندك خير..حتى انا وايد ينقص عليّ :(
شوف حلقة نصب .. خواطر شاب اتوقع الثاني او الثالث ;)
لووووووووول
عادي الحراميه بكل مكان و
يعرفون يقصون علينا :s
مره ثانيه لا تروح بالسياره اللي
تخلي الكل يطمع فيك :P~
كل عام و انت بخير خيوو
و عيدك مبارك لا تنسى العيديه
انا طلبتها ما نصبت عليك :)))
أصلاً ألحين طالعين بحركات تخلي الواحد يصدقهم و كل واحد ماسك الورقة بإيده إنه محتاج و من هالأمور،،ما ندري منو نصدق،،إحنا نعطيهم و الله أعلم بنواياهم
عيدكم مبارك و كل عام و إنتو بخير
=)
عمر
علينا وعليك يتبارك...انت الاول بكل شي...سباق للخير...من طيب اصلك
يا الحبيب اشتقت للقعده معاك...الدقايق و الثواني بلياك ولا شي....
غير
الاول.. انا عارف نفسي عدل...تعرفيت سليمان الطيب...هذا انا
هذا كتاب ؟؟
قلب طفله
بدون ما تقولوين انا محروووووم منها
؛)
منال
وانتي بصحه و سلامه ...؛)
اهو في كتاب لكن بس الجزء الأول و اتوقع نزل الثاني .. لكن خواطر شاب برنامج صارله 4 سنين يعرض برمضان على ال ام بي سي .. لأحمد الشقيري
اذا كنت ما تعرفه حددده بيعجبك .. وايد مفيد و هذا الإنسان "الشقيري" صج غيـــر ;)
شوف هذه الchannel تلقى كل أجزاء البنامج الأربعة بكل حلقاتها
http://www.youtube.com/user/kawatershab
استمتع .. و ادعيلي :)
غير
عرفته..وبس شفت حلقه وحده منه....
عجيب
انا اقول
ثلاثتهم
:/
هندي ينصب علي مرتين
قوية :/
:>
وعيدك مبارك
انا اقول
ثلاثتهم
:/
هندي ينصب عليك مرتين
قوية :/
:>
وعيدك مبارك
ينعاد عليك انت و اسرتك الكريمة بالف صحة و عافية
كل عام وانتم بخير:)
مع إني ما اعرفك وهذا اول مرور لي بهالمدونة المميزة بس
احسك من النوع اللي قلبه طيب بنكسر خاطره بسرعة
اممم واعتقد، السبب الثالث له دور كبير
بس خذ بالك المرة الياية ولا تخلي طيبتك تسيرك
حلاته يطلعلك كومار هكر ويبوق المدونة ويطلع الموضوع ماله علاقة بسيارتك .. ولا ان النصابين تارسين الديرة
P:
عيدك مبارك :)
انتر كويت
الدنيا
اقصوصه
كبرياء ورده
الحارث بن همام
تعودونها بصحه و سلامه....مروركم اسعدني؛)
شالسالفة شمعنه أنته يمكن مكتوب على ويهك قلبك طيب و أحيانا مقصة
... بو سعد مدام فلوسك وايد عطنا مما أعطاك الله ...
اقول بوسعد بعلمك طريقة ابوي لما يطرون منه و يقولون له انا مسكين ابوي يرد و انا بعد مسكين كلنا مسكين
الله المعين :)
إرسال تعليق