استغرب من تصريح رابطة GUST بخصوص عدوم تاييدهم لزيادة الاعانه الجامعيه..ياخي درينا انكم عيال فلوس مو ه>ا الي تبون توصلون له!! و رابطه GUST ما تمثل طلبة جامعه الكويت و بعدد طلابها و طالباتها....
الطالب الجامعي يحتاج اكثر من هال100 دينار علشان يمشي اموره...وانا اهني انوه ان الاهل مايقصرون ما عيالهم لكن منهم قالوا بس وعوووووووه على هالجامعه الي رايح تدرس فيها
الطالب يحتاج لسياره ...!! و السياره سواء اجار واقساط تكلف بالشهر ما لا يقل عن150ينار
الطالب يحتاج لبانزين من بيتهم للجامعه يوميا فضلا عن الفراره بين الكليات للمواد الاختياريه و تكلفة البانزين من المنطقة العاشره لي الشويخ روحه و رده يكلف 30 دينار...(حاسبهم عدل)
ومصروف الطالب وخاصة طلبة علوم و هندسه و طب و طب مساعد و صيدله يقضون النهار كله بالمختبرات يعني غداهم و عشاهم بالكليه
قول ريوق و عشا 3 دنانير باليوم 3 في 30=60 دينار بالشهر (شبقى من 100)
الكتب الدراسيه فعلى الرغم من خصم 40% من قيمة الكتب الا ان انلاقي الكتاب الواحد يكلف من 5-15 دينار..فجم كتاب راح تشتري بالكورس!! يعني فوق 25 دينار
مشاريع الطلبه(هالحجي للعلوم و الهندسه)....يقطون عليها الطلبه فوق 200 دينار بس علشان يتخرجون و يعدون هالماده
وغير التلفون و الرصيد 5 دنانير تضل عند الطالب يوميين بس.....و ادوات الدراسه وغيرها
بالمختصر نبيها 200 دينار....................شباب الديره ما يبطلون حلوجهم ينطرون تشوفون معاناتهم...الحق ينقال يا الحكومه الموقره بدال ما تعطون قروض للدول الفقيره و بعدين تطيحونها...عطوا عيالكم. . الي بتشوفون منهم خير..
غرفة الطعام هو مكاني المفضل للقراءه او الكتابه...وبينما كنت جالسا هناك اقراء كتاب محبب الي مع مشاهدة المسلسل التركي (نور) بنفس الوقت فا>ا بالطباخه (جاندي =بل هي احد افراد عائلتنا نظرا لوجودها في منزلنا ما يقارب 14 عام..عشرة عمر) تسالني عن اسم صاحب العينان الزرقاوتان...مهند
شعليك يا مهند حتى العجيز جانتيوه جننتها
قبل الرجال يقارنون حريمهم بهيفا و ربعها و الحين البنات يقارنون ريايلهم بهند...والدليل تعليقات شباب الديوانيه
هناك 35 تعليقًا:
هلا وغلا بوسعد
مساكين طلبة الجامعه والله يستاهلون اكثر من 200
كل شي غلا بالكويت ومكافئة الطالب مثل ما اهي :((
وهذا غير الحر الي منشف ريجهم مساكين
الشكوي لله
اما بالنسبه لمهند
وييييييييع
وييييييييييييع
ماحب شكله وااايد ما دري ليش ميتين عليه البنات
وجاندرو الله يقطع سوالفها اشتبي فيه
تبي اتعوض النقص بالبياض ولون العيون والطول
اشفيهم الخليجييين الكويتين
سمار
وملح
يا حلوهم
والله لو يخطبني مهند ما وافق:)))
اذا ما كان اجلح املح ولا ما وااافق
؛)))))))))))))))))
ولا اشرايك بو صلوووح
:P
بالنسبة للموضوع الأول ما عندي شي أضيفة شرحت حقيقتهم ... كاأنا مو محتاج للإعانة بس لو بيسون تصويت بصوت لل200 الواحد مو لازم يفكر بنفسه لازم يفكر بغيره ... و بالنسبة لي زيادة الخير خيرين؛)
...
أما هالمسلسل فمرة سمعت جزء من حوار دار فيه و اتضح لي أنه هابط أما جانتي جنه يبيلها رقابة هالأيام ؛):)؛)ههههه
ايييه يابوسعد .. اي 100
اي 2000
الله كريم وانا اخوك هالفلووس ترووح بره واحنا علينا بالحسره .. بس هم نقول الحمد لله :) أحسن من غيرنا بألف مره اهم مقصرينا معانا بس موايد :)
أما مهند .. ماصارت .. شكلي بحط صورتي وأشوف اذا طاح سووقه ولا لأ ؛> شرايك بالثقه
تسلم ايدك
بالنسبة للمكافئ:
صح لسانج - صح لسانج - صح لسانج
خاصة سالفة الأكل بالكلية :p
ايام الدوام كنت اقعد من 7 الصبح لمن 10 بالليل ايام الدوام والويكند
الاعانة كلها تخلص عالأكل @@
ومهند:
اهو صج حلو، بس احس جماله انثوي اكثر من ما اهو رجولي
يعطيج العافية عالموضوع :)
تصحيح:
صح لسانك - صح لسانك - صح لسانك
يعطيك العافية عالموضوع :)
sorry ما ثبت :p
الله يوفجكم وتتخرجون ان شاء الله وتوصلون لي اعلى المناصب
ههههههههههه
ضحكتني
تدري عاد
الـ 100
جنها 10
وحتى لو يعطونا 200
بكون نفس الشي
أما gust لا تعليييييييييق
:p
ومهند .. !! ترى اهوا مو حلووو
لكن دوره يعطي انه حلوو
على قولتهم رومانسي ويحب زوجته
تكفه اي حب اللي يخليها تسرح مع بوحواجب
وهالناس مثل الميينن جنهم ما يعرفون الحب ولا ذايقييينه
الحمدلله على العافية :)
بوسعد بما إني ساكون رسميا طالب سابق في جامعة الخليج أقول 100 دينار عندنا 100 فلس لاويمنون علينا بعد!! وخلنا نبجي على البمبره :)
أما مهند فوييع عفوا يع:) جيطر آنا أحلى منه بوايد :).
صبا:
اي بوصلوح تقدصين آنا ولا بوسعد!!:)
لوووووووول
ايي والله انا بعد اطالب بالزيادة معاك
:)
اول سنتين بالجامعة ماكنت استلمها
كل شي على ابوي
والحين استلمها
وهم نفس الشي ابوي يدفع كل شي
وبعد احنا بنات
بروحه وحدة حق السوق خلصت
:))
انا اول كورس لي بالجامعه شريت كتب بأكثر من 80 دينار !! وكلهم مطلوبين علي
ما عرفت حق سالفه نتسلف الكتاب اللي بعدين
!!
وبعدين مهند ترا مو وااااااايد حلو !! بس يمكن لون عيونه حلو :)
اهم شي انهم ذبحوا عابدييييين
الحين ارتحت
صبا
اي والله شفييني انا الاجلح ....شحلاتي اهبل مالت على الباميه
اختي صبا والله انا مو صالح...صاحبنا كان يقصد صالح للنشر مو انا و انتي حسبتيه انا
سامي
يا حلو يا انت...يا عيني عى الاثار
اما هابط فهو فعلا هابط
رقابه يا معود عجووووز هي الي تراقبني مو انا:) صايره مدام في البيت علمنا الصح و الخطا
THE THINKER
خخخخخخخ تعجبني هالثقه...
وايدياتك...على مرورك الطيب
AUROUSXPAGE
صح بدنج..صح بدنج ..صح بدنج
الخطا وارد طال عمرج..عادي
جماله انثوي...اممممم ما لاحظت هالشي
فتى الجبل
اميين و لك المثل
حياتي هدف
هلا فيج اختي الكريمه..صاجه جنها 10...مهند مزيون و دوره حلو و كلاهما مكمل للاخر فشلون ما تبينهم ينجننون هالاوادم...
انا بس ابي لون عيونه خخخخ
اتخيل شكلي اجلح املح بو عيون زرق..اخرع!!
صقر قريش
اووه اوووووه طلعت منهم..يلا على البركه بتخرج ها شعليك...موفق للوظيفه
يه يه شعليك يا مهند طلعولك منافسين
والله انا نفسك ضايع...ما ادري منو بو صلوح ؟؟
نجمه
ما اقدر اقول الا الله يعين اهل البنات على طلباتهم...
يا زينا قتره و عقال ومش امورك
شكلج نافضه مخبات الوالد :)
شلالات
ههههههههههه والحين ودوا عابدين للمستشفى يعني للحن ما مات...
شلالات......80 و بعد الخصم؟؟جان زين بس يدرسون الطلبه منه؟؟
كله نوتات على ما اضن
أهم شي انك تطالب بحقوقك مبجر وااايد ;d
اي والله ال 100 ما نحس فيها أبدا .. و على قولتهم حتى لو 1000 ما تكفينا .. مادري ليش.. لأن الظاهر مو حاسين بقيمة الفلس فنصرفه بدقيقه و عندنا يقين ان اذا خلصت فلوسنا في غيرها.. و هذا اكبر غلط .. و انا اول وحده اسويه للأسف :\
عقبال ما يزيدونها على دخلتك للجامعة :)
أما مهند.. في وحد اعرفها توها متزوجة .. 6 شهور.. تبي تنفصل.. لأنها قاعده تقارن ريلها بمهند .. برومانسيته و ليس شكله طبعا..للأسف!!
تدوينه حلوة بوسعد :)
إذا بنتكلم على الاعانة الجامعية أو كما نسميها ( الإهانة ) ف100 فعلاً ماتكفي ، وفوق هذا طلعوا بشعارات ( علشانكم نظمناها ) وللأسف الاتحاد شوي ضيّعها ولا طبق قراره في التنظيم وصرفها بمواعيد محددة ^^
المشكلة لو أردنا أن نتكلم عنها وعن هموم الطلبة الجامعيين وليس غيرهم إنما من يكونون في صرح الحرم لجامعة الكويت لن ننتهي :)
بورك بكم على هذه اللفتة الكريمة
غير
هههههههه نمهدلنا الطريج من الحين
يا معوده لازم اضبط اموري من الحين ..لمين تنطرح بالمجلس و ياجلونها عشر تعش مره و اخيرا يقرونها و تنزل بعد سنه(نفس حال التعميم) >يك الساعه انا متخرج:)
ما عندها سالفه...عيون الاوادم ضيجه ما يحمدون ربهم برزقتهم
الاتحاد ما يقصر لكن عرقلة تاخير الاعانه سببها الممول نفسه
لكن فعلا كنا ني انجاز قوي من الاتحاد هالسنه بس وين؟؟
لا احنا جامعتنا ما فيها خصم
:S
احنا ندفع على كل شي
واهم شي ندفع رسوم عشان النادي واحنا اصلا ما نطبه !!؟
شلالات اي جامعه الي فيها نادي...
انتي طالبه بالخارج عدل؟؟
لان صديقي يدرس بفرجينا يقول عندهم نادي رياضي و مساج ببلاش:)
وييييييه
اعانة الجامعه اي و الله اهانه
غير انها ما تكفي شي مرات ما تنزل
الا بعد طلعة الروح مره 7 شهور
واقفه ما نزلت لي ما ادري ليش و
لا سالت عنها ع بالي الكل نفسي
طلع بس انا و لما قالوا لي
رفيجاتي رحت جان يقولون لي ع
بالنا تخرجتي @@ مستعجلين علي
الطيبين لووووول طلعوا شكثر يسونها
الاعانه نقصه وعين اهلها فيهاااا
الحمدلله تخرجت و افتكيت :))
و الله يوفق الجميع :)
و مهند جميل ما شاء الله بس
مو شي ريال بهالجمال و
خدامتكم تووحفه :P
تسلم ايدك يا حامي حمى طلبة
الجامعه و الفال لك ^_^
بوسعد الله يسمع منك بس ماراح أتخرج راح ادرس ان شاء الله بمصر بجامعة الأزهر بإذن الله عشان جذي قتلك بصير طالب سابق بجامعة الخليج بس يزاك الله خير على الدعاء
بو سعد
الله يفتحها عليكم :)
صقر قريش
اهاااا فهمت...موفق يا خوي...ولكل مجتهد نصيب
لؤلؤه
وعليكم ب 200 ريــــــــال :)
المشكلة الطلبة يصرف فلوسه كلها على المطاعم .. آخر شي يبي اعانة جامعية!
الحارث بن همام
خلاص المره الثانيه نيب جدورنا ويانا للجامعه و انتغدى و انتريق هناك
:)
200 دينار=2000 درهم اماراتي تقريبا
يا بو سعد....:)
شربكه..ضيعت:)
أي والله أي والله
اعانه تفشل والله
انا اللي اخذه من اهلي اكثر من اللي اخذه من الجامعه
مادري ليش ساكتين للحين
مهند
الرياييل الثانيين اللي بالمسلسل احلى منه
اصلا اهو اجكرهم
ترا صج
مو حلو !
انا ماحب ريال ابيض صراحه لوووول
كيفي عاد :p
اهلين بوسعد شلونك
الحين زادوا الرواتب 120 و50 وما عبروا هالطلبة المساكين يستاهلونها والله كتب وغذا وبانزين شتكفيهم 100 بالشهر
وبالنسبة حق مهند وما أدراك ما مهند :) مرة قلت جدام اخوي واي يا حلاته جان يزفني زف :) ما تستحين على ويهج انتي :)
انت خدامتكم اسألت منو هذا بوالعيون الزرق احنا خدامتنا اتابع المسلسل معانا من أول ما يبدي لين ما يخلص :)
ومادام اتابع نور لا اطوفك لميس سنوات الضياع حدها قوية بعد :)
دلال
سليزيا
ههههه بط بط ههههه
اي وانتي الصاجه عابدين مزيون:)
الناس ادواق :) اخو (د) ضايع:)
غير معرف
يا حيا الله فيج...
مسلسل لميس حلو...بس ساعات اطوف الحلقات ...ما كو شي يديد صارله 2 ويك وهم يدورون على نفس المحور
:) بيني و بينج طفشت هالمسلسلين ما صارت متى يخلص ما ادري
اهلين عالكل
اي والله انا ياه من الآخر وبتكلم عن موضوع الاعانه لطلبة الجامعه...
طبعا كلامي لا يودي ولا يجيب بس بقول
ليش ما يزيدونها والله احنا مانب نلعب فيها اذا كانوا مفكرين جذي لكن ترى والله انا وحده استحي اطلب من ابوي كل يوم فلوس حق احتياجاتي اذا نقصتني الاعانه وودي ودي انه يزيدونا لاننا صج صج محتاجين حق جم هالبيزه .
وشكرا تقبلوا تعليقي
السلام عليكم ..
اخوك فيصل من السعودية ..
هههههههههههههههههه
الظاهر بني ادم ما يكفيه شي ..!! ^_^
حنا مسوين مظاهرة علشان يزيدون المكافئة(الاعانة) من 990 ريال الى 1300 ريال او كثر يعني تقريبا 80 دينار اتوقع !!
ادعوا لنا بالزيادة
إرسال تعليق