و شبت الكيكه:) + طلبة واشنطن

يخلك ربي... اول مره ادش الفروانيه بس علشان اشتريله الكرفته و شعر بو كشه
للاسف صور اليهال باللبس التنكري ضاعوا مني:(

أول حفيد بالعايله الكريمه...فقررت اليده تسويله حفلة نون لا صارت ولا استوت..(حركات حريم حق المهايط ما يبيلها).زشغلهم الشاغل فيها.
وقبل الحفل لاحظت معاملة الكل صارت (يا دهينه لا تنكتين)..كل هذا بس علشان اصير كهربجي يركب ليتات الزينه(ديسكو)و صبي ينظف الحديقه و يترس الحوض بلالين و يثبت شعارات يوم الميلاد...وسايق افر بالمجمعات اشتري هدايا لليهال و النون و احجز الديجيه و الشخصات وبلالين الي تطير..(استغلال من امه)



يوم الحفل
قعدت بالحديقه . اراقب الي رايح و الياي بالفريج..((ماكو شغل!) الريس عاوز كده..مع الاستمتاع بالسامري و الترديد وراه((و يا شايل الضبي بين ايديك))..لو سمعني يدي يقوم من قبره و يقولي افا عليك يا السمي طلعت موب رجال...(يدي شاعر عارضات )...علامة تعجب على ويهي ما عندهم غير السامري شسالفه!!..خبري حفلة النون يحطون((نونو يا نونو))..((على هونا مشى)) او ((قرقيعان قرقيعان))
ادري شكو؟؟ مثل مانو عارفين لزوم النون........خخخخ
فجاه اصوات شاذه
وااااي........يما...لحقوا علي....عباتي يا ملج الصمخ....عين عين لا اله الا الله...اختنقت بخاخ بخاخ...أهووووطريج بقب..

فز قلبي شسالفه شصاير..طليت وما اشرف الا عيايز فوق بعض و طقني و اطقك عند عتبة صالة الاستقبال؟؟
وتطشروا في الحديقه ويصارخون..حالتهم حاله..انا للحين ماني مستوعب شلي حاصل!! تكفه تحرك سو شي لا تصر ازكمبي!
ناظرت الصاله واشوف دخان تارس الصاله..وصلت خير ..((حريجه ببيتنا)) !!
يا رب ادش و اشوف الي اشوفه ويلزقون فيني تهمه..!! والا انثبر بمحلي واكتفي بالضحك على العيايز!
ركضت و اتجهت صوب الصاله..والله وكيلكم حصلت ذيك الدزه المحترمه الي ردتني 10 امتار ليه ورى ((قويه مو!! خخخ) و اسمع يقولون بنات بنات يا الاثول...عاد بو سعد اهني استانس و قال بفرد عضلاتي...اذلف زين خلاص سيطرنا على الوضع.

وبعد اعادة الشريط اتضح لهم المجرم...والجريمه كالاتي:
في نهاية اغنية (البيرث دي)..وحده من الاخوات الله يهديها قطت جراغي بو شراره تحت طاولة الكيكه ..ضننا منها انه خلص؟! فشبت الطاوله الي فيها الكيكه و انحاشوا الاوادم بعد الانسجام التام مع الاغنيه و الجراغيات و الزينه


طمنت العيايز...قلت لهم الوضع عال العال ..روحوا كملوا الرقص على السامري ...(الحين استوعبت شسالفة السامري على قدهم علشان ما ينبطحون على الارض على الاغاني الحركيه خخخخ اتخيل شكلهم خخخخ)بعدها اختموها باغنية بحبك يا حمار....الله واكبر من(ضبي) ليه(حمار)!!







شبابنا طلبة علم بامريكا...يدرسون علم نفس تربوي..بلغوني انهم بيوصلون باليوم الفلاني..(الاسبوع الي فات)رحت مع الاهل نستقبلهم بالمطار...ولمن اوصلت الطياره(واشنطن)..انزلوا تصدقون ما عرفتهم...شسالفه!! اشوف هذاك ماسك قيتاره مره وحده!! ونت الثاني شورتك هذا بايقه من ولد اخوي ترى بينشق و انت الثالث ترى جيقارتك صدتك لمن شفت ابوك قطيتها و هذا غير الرابع والي يحاجيني طول الفتره انجليزي(( يعني اني ويهك بس))!! و انت الرابع شنو(( البوي قارد)) مالهم شنو مسوي بنفسك!!وهذا غير الطلبه الباجيين الي انزلوا من طيارة نيويورك عجايب الدنيا السبع..مو حجي هذا!!
يا حلاة الطلبه الي ياين من الامارات...شكلهم يونس براءه مو ذيل!!...