وصلت بس متاخر

( رمضان )

مبارك عليكم باجي الشهر ...وكل عام وانتوا بخير...وعساكم من عــــــــــــــــــواده
اسال الله ان يجعل حسناتكم تتكاثر و سيئاتكم تتناثر ويثلج صدوركم بسكينة المؤمنيين

..ويتقبل صيامكم وقيامكم ...قررت اني اقضي 25 يوم برمضان في بريــــطانيا على

الرغم ان الكورس مخلص .....لا اخفيكم سرا اني اقضي ليلي اتخيل فيه صواني الهريس

و الجريش و التشريب واللقيمات تدور بيدي ..و في الواقع عنــد الاكل لا لذه ولا طعم

يا معون امي يا بلاش

( القرقيعان )

وسلم بو سعد يالله خله لامه يالله ...مكالمه متوقعه من الاهل كعادتهم دائما ...طلعني شوي من

جو الوحده و من الفرحه قرقعت معاهم ...والحصيله كانت مخلط سبال وتيين مجفف و

حب شمسي و ملبس جاكليت و نقل.... كل هذا وصلي عبر الايفون .

( متعب )

فجر 15 بالشهر البي بي شغال تهاني و تبريكات فمن هنا ادركت انه تم اعلاني رسميا خال للمره الثانيه ...

وسموه ( متعب ) الاسم داش عرض ...ما علينا ..عسا الله يجعله بار بوالدينه .

والله زمن قمت ادش السوق اواشتري تبان و ملابس يزران و استشاور وستريت وجهاز كيرلي وجهاز مكسر ...!

(ام علي )

اشتهيت حلو ام علي ... انا وين وام علي وين ؟؟ قلت ادق على الاهل يعلموني الطريقه واجرب حظي بالمطبخ !

قلت :اركد يا بو سعد استر على نفسك وعن الفضايح !

سمعتوا ابي حلو ام علي ولحد يشتريها جاهزه من كنفاني ماصخه

على طاري ام عثمان ...

ام عثمان صديقه بل اكثر انشبتلي الا بتاخذ مساحه بالمدونه . واقوالها حياج الله المدونه وصاحبها تحت الخدمه

test

الوووووو

1

2

3

test

test

حاب اتاكد ميكرفون المدونه شغال ...!!

الكاس وصل ..

واذا القوم قالوا من البـــــــــــــطل ......خال انه عني فلم يكسل ولم يتبلد

قالوها وصدقوا " سياتي يوم الكويتي بيشوف رزقه بديره ماهي ديرته "

صادق قاسم ...الى قطر

الكويت خسرت

رحلة الى الصين

مطار لا بئس فيه ,لكن توقع الغير متوقع ,يودوا وحده من بناتنا ..واتهموها بتزوير الجواز ! الي بالصوره مو مطابقه للاصل !

سهلات عندهم ينقعونكم بالمطار يوم كامل و مسؤولين داشين و مسؤولين طالعين !

كان الحكم النهائي يردون البنت الديره ,وما لقينا حل الا نرشيهم , واطلبوا 200 دينار @@

الهدف من الرحله راحه و استجمام ,بس ان كان معاك احد اغسل ايدك ,المطاعم :عندكم المطعم التركي كبابهم الي باللبن ممتاز.الفندق

نجوم لكن نظيف .تهقون المساج كامل لمدة ساعه بجم ! 30 لا..20لا...10لا...5لا...3 دنانير ..يا بلاااااش

المترجم صيني مسلم يتواجد معاك من الساعه 6 الصبح الى 7 بليل مقابل 15 دينار باليوم الواحد .لعن هال15 من هالحريم ...

كل ما يكاسرون راعي محل ياكلها الفقير .على طاري المكاسر عدوهم اللدود لحد يكاسرهم يقضبونك انت وقشك بره المحل ..

التسوق عندهم بالجمله ...يقولك اخذلك درزن من نفس الجوتي ! يه بتاجر فيهم .

اسعارهم غاليه اغلى من الديره الماركات العالميه المتوفره بالكويت ارخص مقارمة بنفس المركات الموجوده بالصينومع هذا مطار الكويت

بكل بساطه يقضب المقص وحيل تقصص و تشوه في العلامه التجاريه .

اكثر العرب المتواجدين بالصين هم يمنيين والله عليه المطعم اليمني اما الشعب الصين للامانه لا يطاق كل واحد نفسه بخشمه والي لا يطاق

اكثر ريحتهم ذا هم يستحقون لقب شعب بو ريحه .كرمك الله يا القارئ ياكل بني ادم توه مولود وميت ! الله يقرفهم والا معلق لك خنزير

بشحمه و اعظمه بحديده و يشويه ,تامنون بالله ان فرجانهم و شوارعهم خاليه من جلاب واقطاوه اثاريهم قاضين عليهم بمطابخهم .

الجو الكئيب يخليك اطق تذكرتك الى تايلند .

وبعد تايلند قص لك تذكره الى جزيرة ساموي الفتره الي تقضيها بالطايره بين الكويت والامارات تقريبا هي نفسها بين تايلند و جزيرتها متصوريين ! كبرت بعيني فيلجا دقايق وانت عندها.

مطار الجزيره مفتوح على الجو سقفه من قش حزتها كان الجو امطر حط ببالك مطرهم حنفيه تصب فوق راسك و المطر يوصل لركبك و

الحياه ماشيه ...لو احنا يا شعب ادنات الدون غيبنا عيالنا وكنسلنا على الدوامات ..فنادقه رخيصه ...اخترنا فندق فلا من 4 ادوار الليله 70 دينار ...الفندق خيال ...بس بعد الساعه 6 نو كومنت ..

شاليهات متوزعه بمساحه بحجم منتزه خيران ومحد ساكن فيها غيرك انت ..ولا ازيدك من الشعر بيت ..الفيلا فوق الجبل

ومحاطه بغابه و محيط ! و الاستقبال يسكرون الساعه 11 بليل اكملت .. يوميناو الا الاهل شايليين شلايلهم ولزموا يغيرون الفندق

والا هالفنادق الي يم بعض كله امريكان وكل فندق متميز عن الثاني بشي غريب

شموع بنص البحر جو رومانسي العاب ناريه وزرازير الحب و رقص سلو على البحر تحت ضوء القمر ايباااااااااه

وكل نص ساعه يمر وانيت متميز بشكله وتصميمه الخاص بشركته ..مزود بمكبرات صوت يعلنون عن مسابقه ..عن برنامج .

خل اطريلكم سالفت اليهود برحلة السفاري اسالوا انتوا من وين ..فكان الرد احنا مسلمين يا جماعه قبوا الرديين !

بالنهايه اقولكم مع السلامه بطاريتي خلصت شكله الي مواعدني يعشيني بمطعم بيكشت فيني في امان الله

سؤال : هل تستخدم جكوزي وبانيو الفنادق وان كانت 7 انجوم !!

حسب خبرتي :

اقوى مطهر امن هوالكلوركس ...كلورس الي تستخدمونه تركيزه 5 % من خلال مشروعي اثبت انه مو جدير للثقه .

فتم تقديم طلب من قبلي ومن استاذي المساعد من احد الشركات التجاريه لكلورس تركيزه 10 % لكن للاسف ما استجابوا لنا

كون ان الكميه المطلوبه قليله ...(يا اخي اللتر ب 40 دينار !! و الي ما عنده !! و 40 وايد على لتر احمدوا ربكم ..)

سفاري

اهبل

جزيرة ساموي

يطلبون منك تقط الجوتي غزك الله و فجاه تلاقي الجلب سابقك للمعبد ..

طلع الجوتي انجس من الجلب !!

الشباب ابدعوا بالكاهن المحنط ..الي يقضب اذنه و يصور و الي خشمه

فما كان الا الطرد من نصيبهم









الفندق بجزيرة ساموي

ورود

ورود الصباح

هن ثلاث

الانيس ..الرفيق ..الجليس

اقتطفت اثنتان

فلم يبقى سوى واحده

و سترافق البستاني

فهل خلا منزل طفولتنا

يا صباح !!

الزمن صلب ..

تحديث
الموقع : برايتون سيتي
درجة الحرارة الصغرى :9
درجة الحرارة الكبرى : 14


شباب الاتحاد مسوين فطور يوم عرفه ..و عشى عيد الاضحى .. الكل نزل الا بو سعد
الاجواء راكده بدون الربع ..

عيدكم مبارك يا جماعه و عساكم من عواده ..وهالله هالله بالعيادي . اطرشلكم رقم حسابي !
خمسين و طالع ..( ويهك بس)

بنزل لندن يوم العيد بوجبهم ساعة زمان .. ومن ثم الى الكــــــــــــــــــــــــــــــــــــــــــويت
ريحة اهلي

عرف مساره ..تحمس للحياة ..استمتع بحاظره ..ووثق بمستقبله..احبه اكثير . وادعى محبته

بعض المنافقين قدم جزء من وقته لهم ..طاقاته قدراته امكانياته . فمثلما يعود النهر الى البحر

يعود عطاء الانسان اليه .

بالامس القريب من الله علي بفرصه و بعد ما استخرت و استشرت فكان الجواب ( اذا هالمشروع

بيرفع مكانتك اعقد العزم )..وتوكلت على الله وما خاب من عليه توكل .

ولله الحمد قدت حياتي و صنعت لها قوانيين . و يقولكم اب واحد خير عن عشرة معلمين

وبعد مضي 4 اشهر جاء وقت التقييم ..وعندما علمت ان 15 مرشح لل3 مراكزالاولى .

.كبريائي وعقلي يدرك باني لا اهزم ..وحصت المركز الاول في ذهول دكتور الكيميا

" بل عليه شوفوه تعلموا منه شلون ينطق " ( على قولة ام محسن اتبلبلت حنوجك )

الزبده
يقولك سلاح اللئام قبح الكلام ..ويقولك بعد الحسد اعتراف من الحسود بدونيته ...اذا مشاريعهم علبه

رينبو تنفع لام جاسم تحط ديرمها ودهن بو فاس فيه ! انا شلي بيدي ! يه

مشكور يا الصقر على وقفتك ..رايتك بيضه ..كثر الله من امثالك .. الصعوبه في مشروعي كانت

نقطه البدايه و نهايتها ..ونهايتها مسك بيدك .وخويك العود بو سالم ...حضوره واستاذانه من الدوام

فاجئني ..ودعمه ومساندته لي عزز وقفتي قدام اللجنه ...

بيتيين من السان عمر لهم سنه يرنون بذني
لا تعامل بطيب كل الاجناس ..حسب الاشخاص خل معاملاتك

دوس روس المصعاب قبل تنداس ... واسلك الدرب الاصعب في جهاتك



لا تعمم مو كل المطاوعه جذي ؟؟
صاج يا اخوي
مخطئ من ظن يوما ..ان للثعلب دينا

غطايه لعمر !
(بو قاق مات ..وقاق قص اقنيصه ..والسدره حتت ورقها ..و الغراب نتف ريشه ..والعين اشربت ماها

.والعبده كسرت مصاخنها و العمه اعصبت راسها و العم حسن لحيته )

منو القاق ؟

منو بو قاق ؟

منو السدره ؟

منو الغراب ؟

و منهي العين .؟

منهي العبده .؟؟

ومنهو العم ؟

منهو العمه ؟

والاهم منو البطل ورى كل هذا ؟

Sleep Deprived

في امان الله الى ان القاكم ...مطول في النومه ...